Túrkııa prezıdenti jer silkinisi saldarynan baspanasyz qalǵandarǵa páter kiltin tabys etti, dep habarlaıdy "Adyrna" portaly Anadoly aqparat agenttigine siltep.
Rejep Taıyp Erdoǵan elde bolǵan zilzala saldarynan zardap shekkender men baspanasyz qalǵandardyń kóp ekenin aıtty.
«Zertteý jumystary júrgizilgennen keıin jer silkinisi bolǵan aımaqta benefııar sany 390 myń adam bolatyny anyqtaldy. Búgin biz 7 myń 275 azamatqa baspana kiltin tabystap jatyrmyz, onyń 6 myń 572-si provınııa jáne aýdan ortalyqtarynda, 703-i - aýyldyq jerlerde. Jyldyń sońyna deıin biz 200 myń úıdi tapsyryp, birinshi tas qalanǵannan keıin qurlysyty bir jyl ishinde aıaqtaý týraly ýádemizdi oryndaımyz. Bizdiń maqsatymyz – aı saıyn 15-20 myń úı men kenttegi úılerdi zańdy ıelerine berý», - dedi prezıdent Erdoǵan.
Ótken jyldyń 6 aqpanynda epıentri Túrkııanyń ońtústik-shyǵysyndaǵy Qahramanmarashta magnıtýdasy 7-den asatyn eki jer silkinisi bolǵan. Eldiń 10 provınııasy, Sırııada da dúmpý qatty sezildi.
Tipti Túrkııa men Sırııada myńdaǵan adam qaza tapty. Túrkııanyń ońtústik-shyǵysynda bolǵan joıqyn jer silkinisinen qaza tapqandar sany 50 myń adamnan asty.
«Azamattarymyz tynysh bolsyn. Olar óz memleketi men úkimetine senýi kerek. Maqsattarymyzǵa qaraı alǵa jyljyp jatqanda yqtımal qaýipterdi, ásirese jer silkinisterin, lańkestik jáne ekonomıkalyq tuzaqtardy bir-birlep joıýǵa bel býdyq», - dep atap ótti Túrkııa prezıdenti sóz sońynda.
