Elbasy mälımdegendei, Täuelsızdıktıŋ qandai qiynşylyqpen kelgenın bılmeitın jastar azat Otanynan aiyrylyp qalatynyn tüsıne bermeidı
Qazır elımızdıŋ bailyǧyna qyzyǧatyndar ışımızge ırıtkı salu üşın qoljaulyq bolatyndardy ızdeidı. Ökınışke qarai, ondailar tabylady. Qazaqstanǧa tönetın eŋ ülken qauıp osy. Būl turaly Elbasy Nūrsūltan Nazarbaev 21 mausymda ötken "Kemeŋgerlıktıŋ 30 jyly" atty halyqaralyq ǧylymi-praktikalyq konferensiiada aitty, dep habarlady Aqorda.
Nazarbaev atap ötkendei, qazaq halqy bırlıktıŋ arqasynda jaularyn jeŋıp, elı men jerın saqtap qalǧan.
"Qazaqty baǧyndyryp, bodan etu üşın handyǧyn tartyp alyp, jüzge, ruǧa bölınuın ailakerlıkpen paidalanǧan. Qazır de elımızdıŋ tabystaryn köre almaityn, bailyǧymyzǧa qyzyǧatyndar az emes", - dedı ol.
Elbasy olar ışımızge ırıtkı salu üşın qoljaulyq bolatyndardy, jetekke eretınderdı ızdeitının jetkızdı. "Ökınışke qarai, ondailardy tabady. Būl baiaǧy "bölıp al da, bilei ber" deitın jymysqy saiasat. Bızge tönetın eŋ ülken qauıp osy. Täuelsızdıktıŋ qandai qiynşylyqpen kelgenın zerttemeitın, bılmeitın jastar bügıngı erkın künınen, azat Otanynan aiyrylyp qalatynyn tüsıne bermeidı", - dep tolyqtyrdy ol."Qazaq däl bügıngıdei ömırdı eşqaşan körgen joq. Aiyrylyp qalmaiyq. Menıŋ elıme aitatyn negızgı ösietım osy. Ūly Abaidyŋ "bırıŋdı, qazaq, bırıŋ dos körmeseŋ – ıstıŋ bärı bos" degenı de osy bolar. Ūmytpaiyq", - dep atap öttı Elbasy.
Nazarbaev halyq pen prezident ärdaiym bırge ekenın aita kele, aldyŋǧy tolqyn – aǧa buynǧa söz arnady. "Sızder paiym-parasattaryŋyz ben köregendıkterıŋızge süienıp, jastarǧa dūrys baǧyt-baǧdar berulerıŋız kerek. Olar Otandy süiudıŋ, memlekettı nyǧaitudyŋ, Täuelsızdıktı qorǧaudyŋ jäne jarqyn bolaşaq üşın jūmys ısteudıŋ maŋyzdylyǧyn jete tüsınuge tiıs", - dep tüiındedı Nazarbaev.Sputnik.
