Jaŋa premerdıŋ kandidaturasyna Mäjılıs bır auyzdan dauys bermedı. Qarsy bolmasa da qalys qalǧandar bar. Deputattar on üşınşı ükımettı basqaruǧa kelgen jaŋa premerge ne üşın dauys bergenın tüsındırdı.
Bügın Amanat partiiasy Prezidentke ūsynyp, Mäjılıs deputattarynyŋ maqūldauymen 44 jastaǧy Oljas Bektenov Ükımet basşysy bolyp taǧaiyndaldy. Bıraq Parlamenttı Qazaqstan halyq partiiasy men Jalpyūlttyq sosial-demokratiialyq partiiasy oǧan dauys bermei qalys qalatynyn mälımdedı. 69 deputat Bektenovtyŋ kandidaturasyn qoldap, 7 deputat qalys qaldy.
Jiyn soŋynan deputattardyŋ pıkırın bıldık.
BEKTENOVTIŊ MINEZIN ŪNATQAN DEPUTAT
Mäjılıs deputaty, «Aq jol» partiiasynyŋ töraǧasy Azat Peruaşev Oljas Bektenovtyŋ kandidaturasyn 5 türlı sebepke bailanysty qolǧanyn mälımdedı.
– Bızdıŋ būl şeşımdı qoldaǧanymyzdyŋ bes naqty sebebı boldy. Bırınşıden, būl şeşım Parlamenttıŋ dästürıne sai keletın ūsynys. Iаǧni, Parlament köpşılık dauyspen premer-ministrdı taǧaiyndauǧa şeşım qabyldauy mümkın. Ekınşıden, Bektenov myrza köp jyldar boiy ekonomika salasynda qyzmet etken. Jemqorlyqtan zardap şegetın eŋ aldymen kımder? Ol – ärine käsıpkerler, öndırısşıler. Prezident äkımşılıgıne basşylyqqa kelmei tūrǧanda iaǧni, Memlekettık qyzmet ısterı jäne sybailas jemqorlyqqa qarsy ıs-qimyl agenttıgın basqarǧan kezde bırneşe ret deputattyq saual joldadyq. Özı habarlasyp, şaqyryp mäselenı talqylap, sol arqyly naqty şeşımge kelgen bolatynbyz. Tıptı keibır kezderı tiıstı qyzmetkerlerı jauapkerşılıkke tartqan bolatynbyz. Üşınşıden, Bektenovtyŋ erekşelıgı mınezınde dep aitar edım. Ol köp söilemeidı, sabyrly, bıraq mınezı qataŋ jäne öz sözınen taimaidy. Iаǧni, aitqan şeşımdı aiaǧyna deiın jetkıze alady, - dedı ol.
SOL DEPUTAT. SMAIYLOV TURALY
Oljas Bektenovty jer kökke syidyrmai maqtaǧan Azat Peruaşev būrynǧy premer Älihan Smailovtyŋ jūmysyn ıske alǧysyz etıp tastady.
– Bırınşıden, Smaiylov Prezidenttıŋ qyrküiek aiynda joldaǧan ekonomikalyq özgerısterıne qatysty tapsyrmalaryn ıske asyrǧan joq. Ekınşıden, Smaiylovtyŋ ükımetınde äp-ädemı jobalardyŋ tūsaukeserın ötkızıp, jaqsy baiandama jasaudy üirenıp aldy. Bıraq sailauşylarmen kezdesuge aimaqqa barǧanda sol sözder söz küiınde qalǧanyn kördık. Qazırgı maqsatymyz memlekettık deŋgeide qabyldaǧan şeşımderdı ıske asyru bolyp otyr, – dedı ol.
«ESEP BERETIN ÜKIMETTI KÜTEMIN»
Mäjılıs deputaty Jūldyz Süleimenovanyŋ pıkırı de Azat Tūrlybekūlynyŋ sözıne ūqsas. Iаǧni, ol eskı ükımetke ökpesı bar ekenın jasyrmady. Sondai-aq deputat «Premer-ministr gumanitar emes, nege öndırıs salasynyŋ ökılı bolmady?» dep sūraq qoidy.
– Negızı halyqtyŋ arasynda osyndai pıkır bolǧany ras. Bıraq degenmen menıŋ oiymşa, däl qazırgı taŋda zaŋnyŋ üstemdıgı, tärtıp qaǧidatyn ornyqtyru üşın jäne äleumettık baǧdarlamalarǧa ketıp jatqan qarajatty der kezınde aiaǧyna deiın jetkızu üşın jemqorlyqtan taza adamnyŋ kelgenı qajet. Ekınşıden, jaŋa Ükımetten esep beretın ükımet formulasynyŋ oryndalǧanyn kütemın. Öitkenı özderıŋız bılesızder, būǧan deiın aqparatqa qoljetımdılık turaly zaŋnyŋ aiasynda eskı Ükımet bırqatar tüzetuler engızgen. Naqtyraq aitsam, eskı ükımet deputattyq qyzmet pen Parlamentke bailanysty şekteu normalaryn engızgen bolatyn. Sondyqtan bız «Küştı prezident, yqpaldy Parlament jäne esep beretın Ükımet»formulasynyŋ oryndalǧanyn kütemız, – dedı ol.
Būdan aldyn Prezident Toqaev 2023 jylǧy 1 qyrküiektegı joldauynda «Naqty salalarǧa qatysty şeşımderdı äzırleu jäne oryndau mındetı, sondai-aq tüpkı nätije üşın jauapkerşılık tolyǧymen ministrlerge jükteledı. Öitkenı olar özınıŋ būiryǧymen jedel şeşım qabyldap otyruǧa tiıs. Būl – äkımderge de qatysty mäsele»,-degen bolatyn. Sonda el basşysy «ekonomikalyq saiasattyŋ ıske asyryluyna Ükımet tolyǧymen jauap bermek» degendı qadai aitqan. Prezidenttıŋ aituynşa, Ükımet «biurokratiiaǧa jäne sözbūidaǧa salynbai, Prezident äkımşılıgıne jaltaqtamai, ekonomikany derbes basqarudyŋ barlyq ädıs-täsılderın qolynda ūstauǧa tiıs».
Qaŋtar oqiǧasynynan keiın Ükımettegı kezekşılık kezeŋde Premer bolyp taǧaiyndalǧan Älihan Smaiylovtyŋ kabinetı doǧarysqa jıberılgen bolatyn. Bügın Amanat partiiasynyŋ töraǧasy Erlan Qoşanov Prezidentpen aqyldasqan türde Premer-ministr qyzmetıne Oljas Bektenovtıŋ kandidaturasyn ūsynǧan.
On üşınşı ükımettı basqaruǧa kelgen jaŋa premer Ädılet ministrlıgınıŋ tırkeu jäne qūqyqtyq alǧaşqy kömek körsetu qyzmetı komitetı töraǧasynyŋ orynbasary, Ekonomikalyq qylmys jäne sybailas jemqorlyq qarsy küres agenttıgı ortalyq apparatynda departament basşysy, Astana qalasy äkımınıŋ apparat basşysy, Prezident äkımşılıgı basşysy hatşylyǧynyŋ meŋgeruşısı, Astana qalasy boiynşa Sybailas jemqorlyqqa qarsy ıs-qimyl ūlttyq biurosynyŋ basşysy, Aqmola oblysy äkımınıŋ orynbasary, Memlekettık qyzmet ısterı jäne sybailas jemqorlyqqa qarsy ıs-qimyl agenttıgı töraǧasy qyzmetterın atqarǧan.
Oljas Bektenov bügın bas ministr bolyp taǧaiyndalǧanǧa deiın Prezident äkımşılıgınıŋ basşysy qyzmetınde boldy.
Serık Joldasbai «Adyrna» ūlttyq portaly
