Memleket basşysy Ükımettıŋ keŋeitılgen otyrysynda jemqorlyqqa qatysty mäselenı közǧady, dep habarlaidy "Adyrna" ūlttyq portaly.
"Taǧy bır özektı mäsele – sybailas jemqorlyq. Būl – qūrylys salasyn ǧana emes, jalpy ekonomikany damytuǧa tosqauyl bolatyn faktor. Sybailas jemqorlyqqa qarsy jappai küresu qajet. Men būl turaly ünemı aityp jürmın. Osy baǧytta bıraz jūmys jasaldy, nätije de bar. Bıraq, solai eken dep, bosaŋsuǧa bolmaidy. Jūmysty jalǧastyru qajet. Äsırese, sifrlandyrudy belsendı türde qoldanu kerek" dedı ol.
Sondai-aq, qūrylys salasyndaǧy bırneşe aqparattyq jüie turaly aityldy.
"Qazır qūrylys salasynda bırneşe aqparattyq jüie bar. Osyndai täsılder arqyly bölıngen qarajattyŋ maqsatqa sai jūmsaluyn qamtamasyz etu qajet, iaǧni barynşa aşyq jäne qataŋ baqylau boluǧa tiıs. Būl – öte maŋyzdy mäsele. Sebebı, qarjynyŋ ūrlanuy, eŋ aldymen, qūrylystyŋ sapasyna äser etedı jäne biudjetke qosymşa salmaq salady. Aqşaǧa sifrlyq teŋge arqyly en salu jäne ony qadaǧalau, basqaşa aitqanda, «aqşany boiau» biudjet qarajatynyŋ jūmsaluyn baqylaityn öte maŋyzdy tetık boluy mümkın" dedı memleket basşysy.
"Bügınde sifrlyq valiutany qoldanuǧa qatysty pilottyq jobalar tiımdı jüzege asyrylyp jatyr. Sybailas jemqorlyqqa qarsy ıs-qimyl agenttıgıne Ükımetpen jäne Ūlttyq bankpen bırlesıp, osyndai jobalardyŋ auqymyn keŋeitudı, onyŋ ışınde qūrylys salasyna barynşa engızudı tapsyramyn" dedı Qasym-Jomart Toqaev.
Ūqsas jaŋalyqtar
