8-9 aqpanda Qazaqstanda sý tasqyny kezinde tótenshe jaǵdaıdy joıýǵa daıyndyq boıynsha "Kóktem-2024" respýblıkalyq komandalyq-shtabtyq oqý-jattyǵýy ótedi. Bul týraly tótenshe jaǵdaılar mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
Jattyǵý kezinde eldegi barlyq sırenalar qosylady.
"Aýmaqtyq deńgeıdegi qulaqtandyrý júıesiniń daıyndyǵyn tekserý maqsatynda 8 aqpan kúni saǵat 12.55 - te (Astana ýaqyty boıynsha) barlyq dybystyq elektr sırenasy iske qosylady", - delingen habarlamada.
Respýblıkalyq oqý-jattyǵý shtaby Aqtóbede ornalasady.
Sonymen qatar, mınıstrlik azamattardan tynyshtyq saqtap, dúrbeleń men qaýesetke boı aldyrmaýdy surady.
Buǵan deıin elde jer silkinisi kezinde tótenshe jaǵdaılar mınıstrligi bólimsheleriniń áreketteri boıynsha qyzmettik tergeý júrgiziletini habarlanǵan bolatyn.
