Almatyda lai basyp qalǧan üiındı astynan bır adamnyŋ denesı tabyldy. Saǧat 10:00-degı aqparat boiynşa Almatyda lai köşkını bolǧan jerde jedel ştab qūryldy, dep habarlaidy “Adyrna” ūlttyq portaly.
Qūtqaruşylar osy üide tūratyn äiel men er adamdy, sondai-aq bügın sabaqqa kelmegen balany ızdestırıp jatyr.
182 maman men 32 tehnika jūmyldyryldy. Jedel medisinalyq järdem brigadalary jūmys ısteude. Lai basyp qalǧan üide tūratyn adamdardyŋ tuystary men körşılerıne şūǧyl psihologiialyq kömek körsetıldı.
Izdeu-qūtqaru jūmystary jalǧasuda. Izdeu jūmystaryna itter de tartyldy.
Eske sala keteiık, 8 aqpanda Medeu audanynyŋ "Tau Samaly" şaǧyn audanyndaǧy Olimpiskii köşesı boiynda tehnogendık sipattaǧy topyraqtyŋ batpaqtanuy saldarynan lai köşkını boldy.
Ūqsas jaŋalyqtar
