Búgin – Ortalyq Qazaqstandaǵy kórnekti qala Qaraǵandynyń 90 jyldyǵy, dep habarlaıdy “Adyrna” ulttyq portaly.
«10 aqpanda Qaraǵandy oblysynyń oblys ortalyq retinde qurylǵanyna 90 jyl tolady. Bul kúni qaraǵandylyqtar men qala qonaqtary úshin merekelik sharalar ázirlendi», - dedi oblys ákiminiń baspasóz qyzmeti.
Qalada senbi kúni Qaraǵandy oblystyq tarıhı-ólketaný mýzeıinde, Qaraǵandy oblystyq beıneleý óneri murajaıynda, «Altyn ǵasyr» galereıasynda túrli kórmeler ótti.
Sonymen qatar, «Terricon Valley» IT haby Ýrbanızm ortalyǵynan merekelik baǵdarlama uıymdastyrdy.
Keshki saǵat 17.00-de «Shalqyma» konert zalynda Erkeǵalı Rahmadıev atyndaǵy Qaraǵandy sımfonııalyq orkestriniń qatysýymen Qazaqstannyń eńbek sińirgen qaıratkeri, dırıjer ári sazger Álı Alpysbaevtyń «Qazaq eli» atty shyǵarmashylyq keshi ótedi.
Bul rette, saǵat 17.00-de Kenshiler mádenıet saraıynda «Qazynaly ólke – Qaraǵandym» gala-konerti (kirý tegin) bastalyp, odan keıin saraı aldyndaǵy alańda lazerlik shoý kórsetiledi.
1934 jyly 10 aqpanda eldi meken “qala” mártebesin aldy. Qazirgi Qaraǵandy Qazaqstannyń taý-ken astanasynyń beıresmı mártebesine ıe iri ónerkásiptik qala ǵana emes, Qaraǵandy da búginde elimizdiń mádenı jáne ǵylymı ortalyqtarynyń biri. Qazir Qaraǵandyda jarty mıllıonnan astam adam turady.
“Adyrna” ulttyq portaly
