Bügın – Ortalyq Qazaqstandaǧy körnektı qala Qaraǧandynyŋ 90 jyldyǧy, dep habarlaidy “Adyrna” ūlttyq portaly.
«10 aqpanda Qaraǧandy oblysynyŋ oblys ortalyq retınde qūrylǧanyna 90 jyl tolady. Būl künı qaraǧandylyqtar men qala qonaqtary üşın merekelık şaralar äzırlendı», - dedı oblys äkımınıŋ baspasöz qyzmetı. Qalada senbı künı Qaraǧandy oblystyq tarihi-ölketanu muzeiınde, Qaraǧandy oblystyq beineleu önerı mūrajaiynda, «Altyn ǧasyr» galereiasynda türlı körmeler öttı. Sonymen qatar, «Terricon Valley» IT haby Urbanizm ortalyǧynan merekelık baǧdarlama ūiymdastyrdy. Keşkı saǧat 17.00-de «Şalqyma» konsert zalynda Erkeǧali Rahmadiev atyndaǧy Qaraǧandy simfoniialyq orkestrınıŋ qatysuymen Qazaqstannyŋ eŋbek sıŋırgen qairatkerı, dirijer ärı sazger Äli Alpysbaevtyŋ «Qazaq elı» atty şyǧarmaşylyq keşı ötedı. Būl rette, saǧat 17.00-de Kenşıler mädeniet saraiynda «Qazynaly ölke – Qaraǧandym» gala-konsertı (kıru tegın) bastalyp, odan keiın sarai aldyndaǧy alaŋda lazerlık şou körsetıledı. 1934 jyly 10 aqpanda eldı meken “qala” märtebesın aldy. Qazırgı Qaraǧandy Qazaqstannyŋ tau-ken astanasynyŋ beiresmi märtebesıne ie ırı önerkäsıptık qala ǧana emes, Qaraǧandy da bügınde elımızdıŋ mädeni jäne ǧylymi ortalyqtarynyŋ bırı. Qazır Qaraǧandyda jarty millionnan astam adam tūrady.“Adyrna” ūlttyq portaly
Ūqsas jaŋalyqtar
