Arystaǧy jarylystan zardap şekken 3 adam auyr halde auruhanada jatyr

Şymkenttegı bırınşı qalalyq auruhanaǧa Arystaǧy jarylystan zardap şekkender jetkızıle bastady. Auruhananyŋ bas därıgerı Abylai Bonbai üş adamnyŋ qazır auyr hälde jatqanyn habarlady. Barlyǧy on şaqty adam auruhanaǧa tüsken, dep habarlaidy otyrar.kz.

"Zardap şekkender jetkızıle bastady, olardy qabyldap, qajettı kömektıŋ bärın körsetıp jatyrmyz", - dedı Bonbai.

Aita ketsek, Arystaǧy tötenşe jaǧdailarǧa bailanysty Ordabasy audanynda därıgerlık ştab qūrylǧan. Ony Türkıstan oblysynyŋ densaulyq saqtau basqarmasynyŋ bastyǧy Mūqan Egızbaev basqarady. Jedel jūmystar jürgızılude. Arysqa 30 jedel järdem jıberıldı. Qajet bolǧan jaǧdaida bırneşe audannan qosymşa jedel järdem kölıkterı daiyndalady, dep habarlady öŋırlık sait.

Arystaǧy jarylys

Düisenbı Türkıstan oblysy Arys qalasyndaǧy äskeri bölımnıŋ aumaǧyndaǧy qoimada joiqyn jarylys boldy. Qorǧanys ministrlıgı oqiǧanyŋ män-jaiy men sebepterı anyqtalyp jatqanyn habarlady. Arys tūrǧyndary şūǧyl türde Şymkent qalasyna köşırıle bastady. Qalada 43 myŋǧa juyq halyq tūrady. Äskeri bölımdegı jarylystan keiın Türkıstan oblysynda tötenşe jaǧdai jariialandy. Oqiǧa ornyna oblys äkımı Ömırzaq Şökeev jettı. Oblys äkımı baspasöz qyzmetınıŋ habarlauynşa, qazırgı taŋda arnaiy ştab qūrylyp, äskeriler men qūqyq qorǧau organdary tötenşe jaǧdai ornynda jūmys ıstep jatyr. Oblys äkımınıŋ tapsyrmasy boiynşa tūrǧyndar üş baǧyttaǧy lagerlerge ornalastyrylady:

• Aqdala būrylysy
• 41 razezd
• Vodozobor

Osy üş baǧyt boiynşa äskeri kölıkter, kamazdar men arnaiy jasaq jūmyldyryluda. Lager basynda tūrǧyndardy audan äkımderı qarsy alyp jaiǧastyrady. Äleumettık nysandardy polisiia qyzmetkerlerı köşırıp jatyr. Äkımdık "Bögen" su qoimasynan töngen qauıp turaly aqparattyŋ jalǧan ekenın habarlady. Sondai-aq, Otyrar men Ordabasy audandarynda 100 oryndyq ekı gospital aşyldy.