Shyǵys Qazaqstanda qar kóshkini bolyp, avtojoldy jaýyp qaldy, dep habarlaıdy "Adyrna" tilshisi.
Oblysta jeldiń kúsheıýinen qar kóshkini boldy. Ákimdiktiń sózinshe, kóshkinnen zardap shekkender men qıraý týraly derekter tirkelmegen.
11 aqpanda saǵat 14:30-da Katon-Qaraǵaı aýdanynda jergilikti mańyzy bar "Sogornoe-Barlyq" avtojolynyń 16-shaqyrymynda jaýyn-shashynnyń kóp túsýine jáne jeldiń kúsheıýine baılanysty jalpy kólemi 1350 m3 eki qar kóshkini ózdiginen tústi. Zardap shekkender men qıraýlar oryn alǵan joq, - delingen habarlamada.
Qar kóshkininen joldy tazartýǵa "Oblshyǵysjol" JShS 2 adam jáne 2 tehnıka jumyldyrylǵan.
