Aıtys aqyndary odaǵynyń tóraǵasy, aqyn, jýrnalıst, qazirgi aıtys óneriniń uıymdastyrýshysy, Qazaqstan Respýblıkasynyń eńbek sińirgen qaıratkeri Júrsin Erman 73 jasqa toldy, dep habarlaıdy “Adyrna” ulttyq portaly.
Aqyn 1951 jyly burynǵy Jezqazǵan oblysy Jezdi aýdanynyń Baıqońyr aýylynda dúnıege kelgen bolatyn.
1976 jyly Qazaq Memlekettik ýnıversıtetin támamdaǵan ol ár jyldary aımaqtyq, respýblıkalyq aqparat quraldarynda qyzmet etti.
100-den astam maqala men «Janartaý» (1983), «Araıly kún, Armysyń» (1985), «Ulytaýǵa bardyń ba?» (1989), «Qudiretke júginý» (2004), «Eki tizgin, bir shylbyr» (2006), «Qustyń kóleńkesi» syndy eńbekterdiń avtory.
1984 jyldan aqyndardy úlken sahnaǵa shyǵaryp, halyq óneri, ulttyq rýhty kóterýge úles qosty. Aqyndar aıtysyn jınaqtap jarııalaý, zertteý jumystaryn júrgizip, «Qazirgi aıtystar» (2005, Astana, 2 tom) jınaǵyn qurastyrdy.
Júrsin Ermannyń Birneshe beıne, aýdıokasseta, dıskileri jaryqqa shyqqan. Qazaqstan Jazýshylar odaǵynyń Muqaǵalı Maqataev atyndaǵy syılyqtyń eki márte ıegeri. Halyqaralyq Qazaq tili qoǵamynyń múshesi.
