2023 jyly Ózbekstanda alǵash ret 3,7 mıllıon tonna maqta jáne 8 mıllıon tonna astyq jınaldy. Bul týraly 12 aqpanda ótken jıynda Ózbekstan prezıdenti Shavkat Mırzıeev málim etti, dep habarlaıdy “Adyrna” ulttyq portaly.
«Mundaı sandar bizdiń qazirgi tarıhymyzda buryn-sońdy bolmaǵan», - dep keltiredi onyń baspasóz hatshysy Sherzod Asadov.
«Taıaý tarıh» degenimiz naqty qandaı kezeńdi bildiretini kórsetilmegen. Aıtalyq, Ózbekstanda 2007 jyly 3,7 mıllıon tonnadan astam maqta jınalsa, 2014 jyly 8 mıllıon tonnadan astam astyq jınaldy.
Jıyn aýyl sharýashylyǵynda ónimdilikti arttyrý, shyǵyndardy azaıtý jáne sýdy únemdeý máselelerine, sondaı-aq aldaǵy josparlarǵa arnaldy.
Shavkat Mırzıeev, atap aıtqanda, Ózbekstanda gektardan alynatyn ortasha ónim aldyńǵy qatarly elderge qaraǵanda tómen ekenin, bul rette tyńaıtqysh, otyn men sý eki ese kóp jumsalatynyn atap ótti. Mırzıeevtiń aıtýynsha, taýar óndirýshiler joǵary ónimdi tuqym ákelip, fermerlerdi jańa agrotehnologııalarǵa úıretý arqyly maqta ónimdiligin 50 entnerge, dándi daqyldar ónimdiligin gektaryna 100 entnerge deıin kóterýge múmkindik alyp otyr.
