Almaty tūrǧyny 11 jyl boiy alǧan 12 mln teŋge zeinetaqysyn memleketke qaitaruy kerek, dep habarlaidy “Adyrna” ūlttyq portaly.
Mūndai şeşımdı juyrda qalanyŋ Türksıb audandyq soty şyǧardy. Belgılı bolǧandai, 2010 jyldyŋ 1 tamyzynda Almaty qalasynyŋ tūrǧynyna zeinetkerlık jasqa toluyna bailanysty zeinetaqy tölemderı taǧaiyndalǧan. Sol jyldyŋ 10 aqpanynda äiel Şeşenstan Respublikasynyŋ Ahmatov audanynda da zeinetaqy ala bastaǧan. Osylaişa ol ekı elde qatar zeinetaqy alyp jürgen, būl Qazaqstan zaŋnamasyn būzu bolyp tabylady. Sot otyrysynda zeinetker QR Eŋbek jäne halyqty äleumettık qorǧau ministrlıgınıŋ özıne qoiǧan talabyn moiyndady. Sot şeşımı boiynşa ol endı biudjetke 12 318 134 teŋge – 2010 jyldyŋ tamyzynan 2021 jyldyŋ qyrküiegıne deiın zaŋsyz alǧan zeinetaqysynyŋ somasyn töleuı kerek. Sondai-aq būl somaǧa 123 182 teŋge memlekettık baj salyǧy qosyldy.“Adyrna” ūlttyq portaly
