Qaraǧandy qalasynyŋ tūrǧyny 17 mln 500 teŋge kölemındegı aqşasyn körşısıne saqtap qoiu üşın berıp, aqşanyŋ joǧalǧany turaly polisiiaǧa şaǧymdanǧan, dep habarlaidy «Adyrna» tılşısı Polisia.kz-ke sılteme jasap.
18 aqpan künı Qaraǧandy qalalyq Polisiia basqarmasyna qarasty Ortalyq polisiia bölımıne 64 jastaǧy qala tūrǧyny habarlasqan. Jäbırlenuşı azamatşa polisiia qyzmetkerlerıne bırneşe kün auruhanada jatqanyn aitqan. Belgılengen emdeu şaralaryn alyp üiıne kelgen zeinetker özınıŋ üiınde belgısız ūrylardyŋ bolǧanyn habarlaǧan.
Jäbırlenuşınıŋ aituynşa, belgısız bıreuler kılt taŋdau arqyly onyŋ üiıne kırıp, 5 million teŋge jäne 30 myŋ AQŞ dollaryn alyp ketken. Jäbırlenuşıge keltırılgen şyǧyn kölemı 17 million 500 myŋ teŋgenı qūraǧan.
Atalǧan fakt boiynşa Qazaqstan Respublikasy Qylmystyq kodeksınıŋ 188-babymen (Ūrlyq) qylmystyq ıs qozǧaldy. Polisiia qyzmetkerlerı män-jaidy anyqtau barysynda jäbırlenuşı azamatşa özınıŋ jiǧan aqşasyn auruhanaǧa jatar aldynda uaqytşa saqtai tūru üşın körşısıne qaldyrǧanyn esıne tüsırdı.
Aita ketu kerek, körşısı zeinetkerdıŋ barlyq aqşasyn özıne qaitaryp berdı.
«Adyrna» ūlttyq portaly
