Ūlytau oblysynda patronat ata-ana şamamen 5 jyl boiy asyrap alǧan üş balany ūryp-soǧyp, şaruaǧa jegıp qoiǧan, dep habarlaidy “Adyrna” ūlttyq portaly.
Būl turaly Bala qūqyqtary jönındegı uäkıl Dinara Zakieva mälımdedı. Onyŋ aituynşa, prokuratura men qorǧanşylyq jäne qamqorşylyq organdary būl faktını aqpan aiynyŋ basynda anyqtaǧan. 2018 jyly patronattyq tärbieşıler balalar üiınen bır otbasynan üş balany – bır qyz jäne ekı ūldy alyp ketken. Ol kezde balalar 8 ben 14 jas aralyǧynda bolatyn. Anyqtalǧandai, asyrap aluşylar osy uaqyt boiy balalardy dūrys tamaqtandyrmai, ūryp-soǧyp, şaruaşylyqqa mäjbürlegen. «Şaruaşylyqqa kelgen komissiia müşelerı balalardyŋ tūrmys jaǧdaiynan şoşyp kettı. Olardyŋ denesı kögergen, tyrtyqtary bar, aryq, şarşaǧan, aş, äbden kırlegen, üsterıne şüberek ılgen. Osy jyldar boiy qamqorşy balalardy qorlap kelgen – ūryp-soǧyp, azaptap, 5 jyl boiy qūldyqta ūstap, sondai-aq balalardyŋ järdemaqysyn alyp otyrǧan», - dep jetkızdı Zäkieva. Sonymen qatar balalardyŋ ıs jüzınde oqymaǧany da anyqtaldy. "Qamqorşy tūlǧa qyz balany eger ol jūmys jasamasa nemese şaǧymdansa, endı bauyrlaryn körsetpeimın dep qorqytqan. Onymen qoimai, jaqynda ol älı de patronatqa aluǧa bolatyn balalar bar ma dep qyzyǧuşylyq bıldırgen", — dedı ol. Qūqyq qorǧau organdary būl mäsele boiynşa qylmystyq ıstı tırkedı. Zakieva bügınde balalar bırge jäne qauıpsızdıkte ekenın mälımdedı.“Adyrna” ūlttyq portaly
Ūqsas jaŋalyqtar
