Antikor Aqmola oblysynda biudjet qarajatynyŋ negızsız jūmsaluynyŋ aldyn aldy, dep habarlaidy "Adyrna" tılşısı.
Aqmola oblysynda "Kökşetau" jazuyn tüzetu üşın memlekettık biudjetten qyruar qarjy bölmek bolǧany anyqtaldy.
2023 jyldyŋ şıldesınde qolaisyz aua raiyna bailanysty Kökteştau qalasyndaǧy jazudyŋ «TAU» ärıpterınıŋ metall konstruksiiasyna zaqym kelgen bolatyn.
Äkımdık jel qiratqan ärıpterdı qalpyna keltıru üşın, sonymen qatar, «Kökşe» jazuyndaǧy ärıpterdı nyǧaitu üşın bastapqyda 18 mln teŋgege juyq qarajat jūmsamaq bolǧan.
Qoǧamdyq rezonans tudyrǧan jaǧdai antikordyŋ da nazarynan tys qalmaǧan.
"Monitoring şeŋberınde öŋırlık Antikor ökılderı obektıge baryp, qūrylymdy ornatu jäne jöndeu barysyn qadaǧalady. Sondai-aq, barlyq müddelı taraptardyŋ qatysuymen kezdesu ötkızılıp, onda departament qalpyna keltıru jūmystarynyŋ baǧasyn tömendetu jäne jazudy jöndeu sapasyn qamtamasyz etu qajettıgın atap öttı. Nätijesınde qala äkımdıgı şarttyŋ qūnyn 4 mln teŋgege tömendettı. Būl aqşalai qarajatty mäslihat sessiiasy ötkızılgennen keiın qala tūrǧyndarynyŋ äleumettık qajettılıgıne bölu josparlanǧan", — dedı vedomstvodan.
Ūqsas jaŋalyqtar
