Astanada Qaırat Satybaldyulynyń isi boıynsha onlaın sot ótip jatyr. Bul týraly "Adyrna" ulttyq portaly habarlaıdy.
Qaırat Satybaldynyń isin Astanadaǵy №2 Baıqońyr aýdandyq soty qaraýda. Sot ony "Aldaý nemese senimge qııanat jasaý jolymen múliktik zalal keltirý"," Kinálige senip tapsyrylǵan bóten múlikti ıemdený nemese talan-tarajǵa salý" baptary boıynsha kúdikti dep tanydy.
Q. Satybaldyuly iri kólemdegi qarajat jymqyrǵany úshin aıyptalyp, 13 naýryzda ustalǵan bolatyn. Nátıjesinde Sybaılas jemqorlyqqa qarsy is-qımyl agenttigi tergeý júrgizip, memleketke 240 mıllıard teńge qaıtarylǵan.
Sot bastalar aldynda zým-vıdeoda Qaırat Satybaldynyń baýyry Samat Ábish te baıqaldy. Qaırat Satybaldynyń qorǵaýshysy onyń 12 mıllıard teńge kóleminde zalal keltirgenin, óz qatesin tolyq moıyndaıtynyn jetkizgen. Sottalýshy jeńildetilgen jazadan da úmitti ekendigin jasyrmady.