Astanada törtınşı Charity Samruk Marathon qaiyrymdylyq şarasy öttı. Marafonnan jinalǧan 250 mln teŋge jaŋa oqu jylyna deiın elımızdegı mektepterde 10 inkliuziiany qoldau kabinetın aşuǧa jūmsalady. Marafonnyŋ negızgı demeuşılerınıŋ bırı – Halyk.
«Samūryk-Qazyna» AQ marafony jyl saiyn qoljetımdı bılım beru ortasyn qalyptastyru ideiasyn qoldaityn qatysuşylar men serıktesterdı bırıktırude. Biyl Botanikalyq baqta ötken jarysqa är türlı mamandyq pen jastaǧy 3000 adam qatysty. Charity Samruk Marathon–nan jinalǧan qarajat inkliuzivtı bılım beru infraqūrylymyn qūruǧa jūmsalatyn bolady. Aldyŋǧy jarystardyŋ arqasynda astananyŋ 15 mektebınde inkliuzivtı qoldau kabinetterı aşyldy.
Marafondy Astana äkımdıgınıŋ qoldauymen «Samūryq-Qazyna» AQ-nyŋ bıryŋǧai qaiyrymdylyq operatory - «Samruk-Kazyna Trust» qory ūiymdastyrdy.
«Jinalǧan qarajatqa erekşe balalarǧa arnalǧan 10 jaŋa inkliuziiany qoldau kabinetın aşamyz. Mūndai jobalardy tiımdı ıske asyru boiynşa täjıribemız ben naqty közqarasymyz bar. Bügınde osyndai marafondardan tüsken qarajat esebınen 15 kabinet ıske qosyldy», – dedı «Samūryq-Qazyna» AQ basqarma töraǧasy Nūrlan Jaqypov.
Biyl marafon baǧdarlamasy keŋeitılıp, tört formatty qamtydy: qatysuşylar 2,5 km, 5 km jäne 10 km qaşyqtyqtarǧa jügıruden, sondai-aq 2,5 km qaşyqtyqta skandinaviialyq jürısten baq synasty. Marafonǧa qatysuşylar men qonaqtar üşın taqyryptyq aimaqtar, master-klass jäne balalarǧa arnalǧan ıs-şaralar ūiymdastyryldy.
Ekologiiaǧa da erekşe köŋıl bölındı: «Taza Qazaqstan» aksiiasy aiasynda qatysuşylar plastik bötelkeler men staqandardy ötkızıp, ornyna syilyqtar aldy.
Qaiyrymdylyq marafonynan bastau alǧan igı ıs bügınde ülken şaraǧa ainalyp, jalǧasyn tapty. Soŋǧy ekı jylda serıktester men qatysuşylardyŋ qoldauynyŋ arqasynda jarys 335 million teŋge jinady. Qazırgı uaqytta «Samūryq-Qazyna» kompaniialar tobynyŋ qoldauymen Astana, Aqmola jäne Atyrau oblystarynda 31 inkliuzivtı ortalyq jūmys ısteidı. Olar erekşe qajettılıkterı bar 2000-nan astam balaǧa qyzmet körsetedı.
Halyk tek demeu körsetumen şektelmedı: marafonǧa banktıŋ Astana qalalyq filialynyŋ qyzmetkerlerı Diliara Omar, Zarina Qypşaqbaeva, Baǧdat Esmaǧambetova, Gülnaz Orazalieva, Balnūr Küzembaeva, Maral Äzırhanqyzy, Jandos Aqjıgıt jäne Damir Asqarov qatysty. Būl banktıŋ äleumettık saiasaty men korporativtık mädeniet ūstanymyna berıktıgın körsetedı. Halyk komandasynyŋ müşelerı atap ötkendei, marapattar men üzdık oryndardan maŋyzdysy – qaiyrymdylyq marafony qoljetımdı bılım berudı damytuǧa nazar audaruǧa kömektesedı jäne ärbır bala üşın teŋ mümkındıkter aşu jolyndaǧy taǧy bır qadam.
