Qaraǵandy qalasynyń ákimi turǵyndarǵa qalyń kıim kııýge keńes berdi, dep habarlaıdy "Adyrna" tilshisi.
Qala ákimi Meıram Qojyqov Qaraǵandy halqyna otyz gradýstyq aıazda jyly kıim kııýge jáne elektr jelilerine aýyrtpalyq túsirmeýge keńes berdi.
Qaraǵandyda aıazdy kúni shaǵyn aýdandar birneshe saǵat boıy jaryqsyz qalǵan bolatyn. Bul jaǵdaıǵa qatysty qala ákimi de únsiz qalmady. Sheneýniktiń aıtýynsha, JEO turaqty jumys istep tur. Alaıda jaryqsyz sónýi syndy problemalar qala turǵyndarynyń jylytqyshtardy tym kóp paıdalanýyna baılanysty bolǵan.
"Nege bulaı boldy? Barlyq jylytqyshtar qosylyp, elektr jelilerinde úlken júkteme bolǵan. Dostar, men túsinemin. Úıde fýtbolkalar men short kıip júrýge yńǵaıly. Úıdegi temperatýra 28 gradýs bolǵanyn qalaısyzdar. Biraq men taǵy da túsindirgim keledi, eger sizdiń úıińizde 21-22 gradýs bolsa, bul qalypty jaǵdaı. Jylytqyshty qosýdyń qajeti joq. Siz jaı ǵana penıýardy sheship, jempir kıip júre alasyz", — dep jazdy Meıram Qojyqov áleýmettik jelilerde.
