Qazaqstandyq kásibı bıshi, birneshe halyqaralyq baıqaýlardyń laýreaty Aqqanat Smaǵulova Germanııada ótken halyqaralyq horeografııalyq jarysta top jardy, dep habarlaıdy "Adyrna" ulttyq portaly.
Roza Baǵlanova atyndaǵy «Qazaqkonert» memlekettik akademııalyq konerttik uıymy «Gúlder» ansambliniń ártisi Aqqanat Smaǵulova 2024 jyldyń 20 aqpanynda Germanııada ótken «TANZOLYMP» bedeldi halyqaralyq horeografııalyq baıqaýynyń altyn medaline ıe boldy. Bul týraly birinshi bolyp ónerpazdyń ustazy Anvara Sadyqova áleýmettik jelidegi paraqshasynda súıinshiledi.
«TANZOLYMP» festıval-baıqaýy jyl saıyn ótkiziletin bedeldi horeografııalyq baıqaýlardyń biri.
Aqqanat Smaǵulovany baıqaýǵa daıyndaǵan «Gúlder» ansambliniń bas baletmeısteri Anvara Sadyqova jáne Qazaq Ulttyq horeografııa akademııasynyń aǵa oqytýshysy Almat Shámshıev. Olardyń qoıylymynda Aqqanat baıqaýda «Aqqý» bıin jáne «Erke bala» atty eki nómerin usyndy.
800-den astam ónerpaz baq synaǵan baıqaýda 34 qatysýshy irikteýden ótip, Gala-konertte óner kórsetti. Al Aqqanat Smaǵulova — Gala-konertte "Halyq bıi" nomınaııasy boıynsha óner kórsetýge múmkindik alǵan jalǵyz ónerpaz.
"Biz úshin dúnıejúzilik arenada Qazaqstannyń namysyn qorǵaý - úlken baqyt. Qazylar alqasynda 21 adam boldy. Túgeldeı álemniń "sen tur men ataıyn" degen ónerpazdary men myqtylary jıylǵan. Osyndaı bedeldi básekede Aqqanat joǵary deńgeıde óner kórsetti. Óz bedelin ǵana emes "Gúlder" ansambliniń bedelin, qazaq eliniń abyroıyn jetkilikti deńgeıde qorǵap shyqty. Biz onymen maqtanamyz" dedi Anvara Sadyqova.
Aqqanat Smaǵulova – Qazaq Ulttyq horeografııa akademııasynyń túlegi. Atalmysh oqý ornynyń bakalavrıatyn byltyr támámdaǵan. Tórt jyldaı «Astana Balet» ártisi retinde jumys istep, keıin «Gúlder» ansambliniń qataryna qosyldy.
"Aqqanatyń alǵashqy ustazy Almat Sherdaruly boldy. Aqqanatyń qanatyn samǵatyp, Shara Jıenqulova atyndaǵy V Respýblıkalyq qazaq bıi baıqaýyna alǵash qatystyrǵan sol kisi bolatyn. Keıin Almat Sherdarulynyń shaqyrýmen men de Aqqanatpen jumys isteı bastadym. Osylaı úsheýimiz birge jumys istep kele jatqanymyzǵa bıyl 5 jyl bolady. Tipti pandemııa ýaqytynda da birtalaı eńbektendik. Ónerimizdi taspalap túrli onlaın baıqaýlarǵa qatysyp júrdik. Sol ýaqytta 30-dan asa halyqaralyq bı baıqaýynyń jeńimpazy atandy. Ár baıqaý biz úshin birinshi ret sahnaǵa shyǵyp turǵandaı áser beredi. Bul jaı qaraıtyn dúnıe emes. Óte tyńǵylyqty daıyndyqty qajet etedi. «TANZOLYMP»-tiń ózine 2 aı ýaqyt daıyndaldyq. Biz jetken jetistikter mańdaı terdiń, eren eńbektiń arqasy" dedi Anvara Sadyqova.
⠀
