Türkıstan oblysy Arys qalasynda jarylys bolǧan sätte ŪBT ötkızu ortalyǧynda bolǧan BǦM qyzmetrkelerı QAZAQSTAN ūlttyq arnasynyŋ tıkelei efirınde, bolǧan oqiǧany baiandap berdı. Olar tolǧaǧy qysqan jüktı äieldı bosandyryp alǧan.
«Jarylys bolǧan uaqytta ne ısterımızdı bılmei, qaşa bastadyq. Qalany bılmegendıkten, qaida bararymyzdy bılmedık. Aiaǧymyz qansyrai jügırdık. Syrtta kölıkter balalardy alyp ketıp jatty. Bız balalar barsyn dep, kölıkke otyrmadyq. Jaiau jürdık. Bır kezde jas jıgıt toqtady. Esımı Dosmūhamed. Bızdı 41-auylǧa deiın jetkızıp tastady. Jol boiynda äjelerdı, balalardy aldy», - deidı BǦM qyzmetkerı Janat Nūrjūmanova. Olar jüktı äieldı körıp, bosanuǧa kömektesken. Balböpe Ötenova men Janat Nūrjūmanova, Şaiza Doskaeva, Aqjar auylynda barar jolda jüktı äieldı bosandyrdy.
«Jüktı äiel öte myqty eken. Taŋerteŋ tolǧaǧy bastalyp, Arysqa auruhanaǧa barǧan. Alaida jarylys bolyp, ol jerden akuşermen bırge qaşqan. Bırneşe şaqyrymdy jaiau jürgen. Bızdıŋ kölık toqtaǧanǧa deiın jaiau jürıptı. Jüktı äieldıŋ şydamy tauysylǧanda bırınşı kezdesken üige toqtadyq. Bärı sättı öttı», - dedı Balböpe Ötenova.
Aituynşa, säbidıŋ salmasy ülken bolǧandyqtan bosandyru da qiynǧa soǧypty.
«Boijetken quanyştan balasynyŋ esımın kölık jürgızuşısınıŋ qūrmetıne qoimaq edı. Ömırge kelgen säbi qyz bala boldy. Sondyqtan jürgızuşınıŋ anasynyŋ esımımen Kamila dep qoidy», - deidı ol.
Bosanǧan äieldıŋ esımı Kenje. 1996 jyly tuǧan qyz. Būl onyŋ ekınşı balasy eken. Ministrlık qyzmetkerlerı äieldıŋ küieuıne äke bolǧanyn habarlap, özderı ärı qarai kete bardy.
İlham İbragim
"Adyrna" ūlttyq portaly
