Mäjılıs tūrmystyq zorlyq-zombylyq körsetkenderge jäne pedofilderge qatysty jaŋa qataŋ zaŋ jobasyn maqūldady, dep habarlaidy "Adyrna" ūlttyq portaly.
«Kämeletke tolmaǧan balany öltırgenı jäne pedofiliia üşın olar ömır boiyna bas bostandyǧynan aiyrylady. Mäjılıs äielder men balalardyŋ qūqyqtary men zaŋdy müddelerın qorǧauǧa baǧyttalǧan zaŋnamalyq tüzetulerdı bırınşı oqylymda maqūldady. Zaŋ jobalaryn Mäjılıs deputattary memleket basşysynyŋ Qazaqstan halqyna joldauynda aitylǧan tapsyrmalaryn ıske asyru maqsatynda äzırledı», - delıngen särsenbı künı taratqan habarlamada.
Zaŋnamalyq tüzetuler 5 baǧytty qamtidy. Atalmyş jobany särsenbı künı Mäjılıs mınberınde deputat Jūldyz Süleimenova qorǧady.
Bırınşıden, qylmystyq jauapkerşılık qalpyna keltırıledı:
–densaulyqqa qasaqana jeŋıl ziian keltıru – 200 AEK deiıngı mölşerde aiyppūl saluǧa ne sol mölşerde tüzeu jūmystaryna ne 200 saǧatqa deiıngı merzımge qoǧamdyq jūmystarǧa tartuǧa ne 50 täulıkke deiıngı merzımge qamauǧa aluǧa jazalanady;
– zorlyq-zombylyq jasaǧany üşın – 80 AEK-ke deiıngı mölşerde aiyppūl salu nemese 80 saǧatqa deiın qoǧamdyq jūmystarǧa tartu, ne 25 täulıkke deiın qamauǧa alu.
"Tūrmystyq zorlyq-zombylyq üşın äkımşılık jäne qylmystyq jauapkerşılık küşeitıldı. Bıraq osyǧan qaramastan, zorlyq-zombylyqtyŋ tolastamauy äielderdıŋ qūqyǧyn qorǧau, balalardyŋ qauıpsızdıgın saqtau zaŋnamasyn qataŋdatumen bırge, qoǧamda qylmysqa müldem tözbeuşılık prinsipı, zaŋ men tärtıptıŋ qataŋ saqtaluy därıptelıp, nasihattaluyn qajet etedı. Sol kezde qabyldanǧan zaŋdar sapaly oryndalatyn bolady. Zaŋ men Tärtıp qaǧidaty Qazaqstan qoǧamynyŋ ideologiialyq temırqazyǧyna ainaluǧa tiıs dep oilaimyn" dedı Süleimenova.
Ūqsas jaŋalyqtar
