Qazaqstan Premer-mınıstriniń orynbasary – Syrtqy ister mınıstri Murat Nurtileý Qytaıdyń Qazaqstandaǵy elshisi Chjan Sıaony qabyldady, dep habarlaıdy “Adyrna” ulttyq portaly.
Sondaı-aq, aǵymdaǵy jyly josparlanǵan asa joǵary jáne joǵary deńgeıdegi ekijaqty saparlar men is-sharalar kestesin qarastyrdy. Kópjaqty qurylymdar sheńberindegi elderdiń ózara is-qımylyna bólek nazar aýdaryldy.
Mınıstr saýda-ekonomıkalyq baılanystardy arttyrý boıynsha birlesken kúsh-jigerge erekshe nazar aýdardy. Atap aıtqanda, eki el arasyndaǵy tranzıt-kóliktik yntymaqtastyqty damytýdyń jáne Qazaqstannyń Qytaıǵa shıkizattyq emes eksportyn arttyrýdyń mańyzdy róli atalyp ótti.
Al Qytaı elshisi kóterilgen máselelerdiń mańyzdylyǵyn aıtyp, qytaılyq taraptyń atalǵan suraqtar boıynsha belsendi ózara yqpaldasýǵa daıyn ekenin bildirdi. Ol Qytaıdyń Qazaqstandaǵy elshiligi aǵymdaǵy jyly josparlanǵan is-sharalardy oıdaǵydaı uıymdastyrý maqsatynda tyǵyz árekettesýdi jalǵastyratynyn habarlady.
