L.N. Gumilev atyndaǧy Euraziia ūlttyq universitetı Jasandy intellekt ǦZİ ǧalymdary ChatGPT chat-botynyŋ qazaq tılındegı otandyq analogyn jasap şyǧardy, dep habarlaidy «Adyrna» tılşısı.
Zertteuşıler memlekettık tıldegı jasandy intellekt jüiesın 5 aidyŋ ışınde äzırledı. ChatGPT chat-botynyŋ qazaqstandyq ülgısı ülken kölemdegı derekterdı taldai alady, sūraqtarǧa jauap beredı, mätınder qūra alady, sonymen qatar qazaq tılınıŋ barlyq morfologiialyq jäne sintaksistık erejelerın bıledı.
«Bız qazaq tılınde bırınşı ırı LLM tıl ülgısın jasadyq. Jüie neirondyq jelı arhitekturasy negızınde qazaq tılındegı kez kelgen mätındı tüsınuge jäne öz bılımıne säikes jauap beruge qabılettı. Bızdıŋ ChatGPT prototipımız qazaq tılınıŋ erejelerın tüsınedı, ärıpter men buyndar, sözder men söilemder arasyndaǧy barlyq tızbekterdı este saqtaidy, sonymen qatar sintaksistık jäne grammatikalyq tūrǧydan dūrys ärı paidalanuşynyŋ sūranysyna säikes keletın därejede jauap bere alady»,—dep atap öttı L.N.Gumilev atyndaǧy EŪU «Jasandy intellekt» ǧylymi-zertteu institutynyŋ direktory Älıbek Barlybaev.
Ǧalymdar jüienıŋ qazaq ädebi şyǧarmalaryn, normativtık qūjattamalar men ǧylymi materialdardy daiyndau boiynşa täjıribeler jürgızıp kördı. Olar jasandy intellekt modelın bılım beru ürdısınde qoldanudy ūsynbaq. Chat-bottyŋ bılımın qajettı aqparatty naqtylau üşın paidalanuǧa bolady.
Bügınde IT salasyndaǧy ǧalymdar men mamandar jobanyŋ tehnikalyq jäne serverlık mümkındıkterın nyǧaityp, odan ärı damytudy josparlap otyr.
