Atyraý qalasynyń ákimdiginde óz-ózine qol jumsamaq bolǵan atyraýlyq azamat jaýapqa tartyldy, dep habarlaıdy “Adyrna” ulttyq portaly azh.kz saıtyna silteme jasap.
Oqıǵa 1 aqpan kúni bolǵan. Buzaqylyq jasaǵan azamat bul áreketin barlyǵy bolyp jatqan «zańsyzdyqqa» nazar aýdarsyn dep jasaǵanyn aıtady. Atyraý turǵyny qala ákimdigindegi bıýrokratııadan uzaq jyldardan beri jer telimin ala almaı júrgenin aıtyp shaǵymdanǵan. Sodan soń osy áreketke barǵan. Keıin ol buzaqylyq baby boıynsha ákimshilik jaýapkershilikke tartyldy.
«1 aqpanda jergilikti ýaqyt boıynsha saǵat 11:45-te azamat Atyraý qalasynyń ákimdigine kelip, ózine benzın shashyp, ózin órtep jiberemin dep qorqytyp, sheshilmegen jer máselesine narazylyq bildirgen. Osy sebeptermen azamat QR ÁQBtK-niń 434-babynyń («Usaq buzaqylyq») 1-tarmaǵy boıynsha ákimshilik jaýapkershilikke tartyldy», - dep habarlady polıııa.
Atyraý qalasynyń Ákimshilik quqyq buzýshylyq isteri jónindegi mamandandyrylǵan soty aıyppul túrindegi ákimshilik jaza qoldaný týraly sheshim qabyldady.
“Adyrna” ulttyq portaly
