"Nazarbaev elden qaşuǧa rūqsat berdı". Meşımbaevanyŋ mälımetterı

13938
Adyrna.kz Telegram
https://adyrna.kz/content/uploads/2024/02/izobrazhenie_2024-02-28_122102443.png

2009 jyly sanaqtan keiın 746 million teŋge kölemınde aqşa jymqyrdy degen aiyppen 5 jyl jazasyn ötep şyqqan statistika agenttıgınıŋ būrynǧy töraǧasy Anar Meşımbaeva Nege.kz saityna sūhbat berdı. 3 jyl kölemınde ızdeude bolǧan eks-şendı atalmyş äŋgımede Nazarbaevqa qatysty būryn aitylmaǧan aqparattardy aqtardy, dep habarlaidy "Adyrna" portaly.

2009 jyly Anar Meşımbaeva men onyŋ ekı orynbasaryna qatysty atyşuly qylmystyq ıs qozǧalǧan bolatyn. Artynşa şeneunık Türkiia asyp, keiın Mäskeuge ketkenı el auzynda jürdı. Tıptı ol 3 jyl kölemınde ızdeude boldy. Būrynǧy töraǧanyŋ aituynşa, mūndai şeşımge ol Nazarbaevtyŋ būiryǧymen barǧan. "Elden ketpeimın, eger qaşsam, şynymen "aqşany ūrlady" dep aitady" dedım. Bıraq prezident "Eşteŋeden qoryqpa. Ärı ketse, bır jyl nemese bır jarym jyldan keiın qaitaryp alamyz. Ol kezde bärı tynyştalady" dedı. Eŋ bastysy "senıŋ ekı orynbasaryŋ da türmege otyrmaidy" degen uäde bergen. Negızı sol ekeuın bosatsyn dep ketıp qalǧan edım. Öz basym prezidentke sendım ǧoi. "Sottalyp ketem-au" degen tittei de kümän bolmady. Al keiın "bälkım, ketpegende basqaşa bolar ma edı" degen oi da keldı. Bıraq naqty bılmedım. Mümkın, elden ketpesem, bärıbır sottap jıberetın be edı. Bız bärı ädılettı, şynaiy bolady dep küttık. Alaida olarǧa būl oiyn siiaqty. Bıreu bylai aitsa, oǧan senedı, ekınşı bıreu basqaşa pıkır bıldırse, "türmege otyrǧyzaiyq, sabaq bolsyn" deidı. Olar adamnyŋ ömırın emes, saiasatty oilaidy. Būl jerde bızge qarsy jūmys ıstegen Qarjy polisiiasynyŋ basşysy Qairat Qojamjarov qana emes, arnaiy top boldy ǧoi", - dep äŋgımeledı sotty bolǧan būrynǧy şeneunık.
Pıkırler