2019 jyldan bastap Prezident Qasym-Jomart Toqaev elımızdegı qorǧanys küşınıŋ materialdyq bazasynyŋ maŋyzyn ūǧyndyrudy közdep, äskeri qyzmettı damytuǧa den qoiǧan edı. Al basty maqsat äskerdı öz ısıne myǧym, adal, joǧary sanatty qyzmetkerler men ofiserlermen qamtamasyz etuge negızdeldı. Zamanaui ärı Jaŋa Qazaqstan üşın būl qalai da oryndalu kerek maqsatqa ainaldy.
Şaralardyŋ basy mekteptegı oquşylardyŋ äskerge degen qūlşynysy men qyzyǧuşylyǧyn arttyrudan, jastardy äskerge beiımdeuden bastalǧan. Būl memlekettıŋ qorǧanys küşın nyǧaityp, alpauyt ärı tūraqty, äsker qūryp, öskeleŋ ūrpaqtyŋ patriottyq sezımderın eselep arttyruǧa baǧyttalǧan.
Negızı äŋgımenı aldymen mynadan bastaǧan dūrys. Äskeri qyzmetke degen qūlşynysty arttyrudyŋ bırden-bır joly - osy salanyŋ qyzmetkerlerı üşın qoǧamdyq baspaldaqtardy qūru. Iаǧni ärı qarai käsıbi jäne jeke damuǧa, qoǧamdyq joǧarǧy status pen jaqsy jalaqymen, syiaqymen qamtamasyz etu qajet. QR Qorǧanys ministrı būl jaǧdaidy baqylauynda ūstap otyrǧany anyq. Al Prezidentımızdıŋ
"2023 jyldan bastap äskeri ūşqyştardyŋ, pedagogterdıŋ, äskeri medisina qyzmetkerlerınıŋ jalaqysy orta eseppen 60%-ǧa artady. 2024 jyly äskeri şen üşın berıletın qarjy 30%-ǧa köbeiedı", - degenı osyǧan dälel.Taǧy da äskeri qyzmetkerlerdıŋ zeinetaqy mäselesı de qaralyp jatqanyn aita kettı. Äskerdıŋ maŋyzyn arttyra tüsetın taǧy bır faktor - käsıbi bäsekelestık. Būl osy saladaǧy bılım men ǧylymnyŋ damuymen tıkelei bailanysty. Eŋ aldymen būl problemada Ūlttyq qorǧanys universitetı men 3 äskeri instituttyŋ jaǧdaiy esepke alynady. Mäselen, soŋǧy 20 jylda būl jerden 70 myŋ adam joǧary sanatty maman tülep ūşqan. Äskeri mamandyqtardy aluǧa degen qyzyǧuşylyq ünemı mektepterdegı materialdyq-tehnikalyq bazalardyŋ jaŋartyluynan, zamanaui qūrylǧylarmen qamtamasyz etıluınen, äskeri-tehnikalyq mamandyqtardyŋ köbeiuınen tuyndaidy. Tıptı būl salada şeteldermen täjıribe almasatyndai ülken mümkındık bar. Al kadrlardyŋ potensialyn baǧalau arqyly jaŋa talapty qūramdy jäne olardyŋ qanşalyqty maŋyzdy mamandar ekenın anyqtauǧa bolady. Äsırese, jiı ötetın halyqaralyq äskeri oiyndarda elımızdıŋ qūramy erekşe belsendılık tanytyp, üzdık oiyn körsetude. Mäselen, Halyqaralyq äskeri oiyndarynda "Tank biatlony", "Adal dos" siiaqty kezeŋder men konkurstar bar. Jastar arasynda osyndai şaralardyŋ qataryna "Jas sarbaz" äskeri-patriottyq klubyn, Smart Sarbaz üiırmesın aituǧa bolady. 250 myŋǧa juyq bala osyndai şaralarǧa belsene qatysyp jür. Al eŋ üzdıgı "Aibyn" respublikalyq jastar jiynynda öz jetıstıkterın körsete alady. Jastardyŋ äskerge baruy üşın memleket tarapynan bırneşe jeŋıldıkter de jasaluda: - sarbazdardyŋ darynyn aşu üşın olar özderı qyzyqqan äskeri mamandyqty oqytady; - türlı lgottar (kredittı kanikuldar); - äskerge barǧandar ekı jyl kölemınde ŪBT-syz JOO-ǧa tüse alady. Mäjılıs deputattary osyǧan taǧy da äskerge degen qarjylai qoldaudy arttyru kerek dep esepteidı.
Aidos Sarym "Mektep, universitet, qoǧamnyŋ qorǧanys küşterımen bailanysyn arttyrudy közdeitın zaŋ bolmaq. Bız arnaiy äskeri ūiymdardyŋ bar ekenın bılemız, bıraq olardyŋ aldaǧy uaqytta jüiege ainalǧanyn közdep otyrmyz. Mekteptegı oquşylardan bastap öz qauıpsızdıgın qamtamasyz ete alatyn alǧaşqy äskeri daiyndyqtardyŋ bolǧanyn qalaimyz", - deidı.Barlyq jaǧdai, şara qolǧa alynyp, jasalynyp jatyr. Jeŋıldıkter de jeterlık. Endı tek "elım deitın, jerım deitın" sarbazdar köbeise boldy. Foto: Egemen Qazaqstan
