Eks-mınıstr Qýandyq Bıshimbaevtyń burynǵy áıeli Nazym Qaharman beıne úndeý joldady, dep habarlaıdy "Adyrna" tilshisi.
Áleýmettik jelide "Aıtbek Amangeldi Qýandyq Bıshimbaevtyń qyzyn zorlamaq boldy" degen aqparat taraǵan bolatyn.
Qýandyq Bıshimbaevtyń búrynǵy áıeli Nazym Qaharman marqum Núkenovanyń aǵasy Aıtbek Amangeldiniń bedelin túsirý maqsatynda oǵan jala jabylyp, bedeline daq túsip jatqanyn aıtty.
"Maǵan jáne meniń kishkentaı qyzyma qaıtys bolǵan Saltanattyń aǵasynyń bedelin túsirý maqsatynda jala jabyldy. Sonymen qatar, olar meniń sózderimdi emes, óziniń bastyǵyna esep jazǵan adamnyń sózderine súıengen. Adamǵa jala jabý óte ońaı. Sodan keıin ózińniń durystyǵyńdy dáleldep kór. Ar-ujdan da, jan da, júrek te joq. Osy nárse júregińdi júz ese aýyrtady. Endi men ózimniń jáne kámeletke tolmaǵan balalarymnyń ar-namysy men qadir-qasıetin qorǵaý úshin qorǵanýǵa jáne bári qalaı bolǵanyn aıtýǵa májbúrmin. Qandaı da bir jyn-periler shoýy ótip jatyr, sonyń arasynda meni jáne qyzymdy otqa laqtyrdy", – dep jazdy Nazym Qaharman.
Sondaı-aq Nazym marqum Saltanat Núkenovanyń aǵasymen tanys ta, dos ta emes ekenin qosty.
