ەكس-مينيستر قۋاندىق بيشىمباەۆتىڭ بۇرىنعى ايەلى نازىم قاھارمان بەينە ۇندەۋ جولدادى، دەپ حابارلايدى "ادىرنا" ءتىلشىسى.
الەۋمەتتىك جەلىدە "ايتبەك امانگەلدى قۋاندىق بيشىمباەۆتىڭ قىزىن زورلاماق بولدى" دەگەن اقپارات تاراعان بولاتىن.
قۋاندىق بيشىمباەۆتىڭ بۇرىنعى ايەلى نازىم قاھارمان مارقۇم نۇكەنوۆانىڭ اعاسى ايتبەك امانگەلدىنىڭ بەدەلىن ءتۇسىرۋ ماقساتىندا وعان جالا جابىلىپ، بەدەلىنە داق ءتۇسىپ جاتقانىن ايتتى.
"ماعان جانە مەنىڭ كىشكەنتاي قىزىما قايتىس بولعان سالتاناتتىڭ اعاسىنىڭ بەدەلىن ءتۇسىرۋ ماقساتىندا جالا جابىلدى. سونىمەن قاتار، ولار مەنىڭ سوزدەرىمدى ەمەس، ءوزىنىڭ باستىعىنا ەسەپ جازعان ادامنىڭ سوزدەرىنە سۇيەنگەن. ادامعا جالا جابۋ وتە وڭاي. سودان كەيىن ءوزىڭنىڭ دۇرىستىعىڭدى دالەلدەپ كور. ار-ۇجدان دا، جان دا، جۇرەك تە جوق. وسى نارسە جۇرەگىڭدى ءجۇز ەسە اۋىرتادى. ەندى مەن ءوزىمنىڭ جانە كامەلەتكە تولماعان بالالارىمنىڭ ار-نامىسى مەن قادىر-قاسيەتىن قورعاۋ ءۇشىن قورعانۋعا جانە ءبارى قالاي بولعانىن ايتۋعا ءماجبۇرمىن. قانداي دا ءبىر جىن-پەرىلەر شوۋى ءوتىپ جاتىر، سونىڭ اراسىندا مەنى جانە قىزىمدى وتقا لاقتىردى", – دەپ جازدى نازىم قاھارمان.
سونداي-اق نازىم مارقۇم سالتانات نۇكەنوۆانىڭ اعاسىمەن تانىس تا، دوس تا ەمەس ەكەنىن قوستى.
