ەكس-دەنساۋلىق ساقتاۋ ءمينيسترى اجار عينيات بۇرىنعى ۆيتسە-مينيستر ولجاس ابىشەۆتىڭ ۇستىنەن پوليتسياعا ارىز تۇسىرگەن. الايدا مينيستر قىزمەتتەن كەتكەن سوڭ ءىس جابىلىپ قالعان، دەپ حابارلايدى "ادىرنا" ءتىلشىسى Stan.kz-كە سىلتەپ.
بۇرىنعى ۆيتسە-مينيستر ولجاس ابىشەۆ دەنساۋلىق ساقتاۋ مينيسترلىگى مازاسىن العانىن ايتقان ەدى.
ء"بىر جىل بويى مەنەن عانا ەمەس، ايەلىمنەن دە جاۋاپ الىپ، جۇبايىم مەن مەنىڭ تەلەفونىمدى تاركىلەدى. دەنساۋلىق ساقتاۋ مينيسترلىگىنىڭ بۇرىنعى باسشىلىعى بارلىق اكىمشىلىك بيلىگىن وتباسىما قولداندى. بىراق، ولار ايتقانداي، ەشتەڭە ماڭگىلىك ەمەس. شاماسى مينيستر عينيات قىزمەتىنەن كەتكەننەن كەيىن، اكىمشىلىك بيلىك كۇشىن جوعالتتى. ال ءىس بىردەن توقتاتىلدى", — دەپ جازدى ابىشەۆ.
ەسكە سالا كەتەيىك، ءبىر جىل بۇرىن ەكس-مينيستر ابىشەۆتىڭ ۇستىنەن ارىز جازىپ، قىلمىستىق ءىس قوزعاتقان. الايدا ابىشەۆ ءىستىڭ توقتاتىلۋى تۋرالى اقپارات سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە بار ەكەنىن ءتۇسىندىردى.
"عينيات مەنىڭ جانە ايەلىمنىڭ ۇستىنەن پوليتسياعا ارىز جازىپ، نە كوزدەدى ەكەن؟ ءبىر جىل بۇرىن جۇمىس ىستەمەيدى دەگەن پلاتفورماعا قاتىستى ءوتىنىشتى قاراۋ بارىسىندا سول كەزدەگى دەنساۋلىق ساقتاۋ ءمينيسترى عينيات پەن دەنساۋلىق ساقتاۋ مينيسترلىگىنىڭ قىزمەتكەرى بالتابەكوۆا ۇستىمنەن پوليتسياعا ارىز جازىپ، جاڭادان قىلمىستىق ءىس قوزعادى. بۇل مەنى جاڭا قىلمىستىق ىسپەن قورقىتۋ ءۇشىن جاسالسا كەرەك. ويتكەنى سوتتا جۇمىس ىستەمەيتىن پلاتفورماعا قاتىستى دەنساۋلىق ساقتاۋ مينيسترلىگىنىڭ بارلىق ۋاجدەرى تالقاندالدى", - دەدى بۇرىنعى ۆيتسە-مينيستر.
