Túrkistan oblysynyń Saıram aýdanynda tropıkalyq aımaqta mekendeıtin túıequs ósirile bastady. Bul týraly 24.kz jarııalady, dep habarlaıdy “Adyrna” ulttyq portaly.
Aqparatqa súıensek, túıequs ósirgen jergilikti sharýa 2 jyl buryn túıequstyń 2 balapanyn satyp alyp, baǵyp kórgen. Kóbeıte alarynda kózi jetken soń byltyr memleketten qaıtarymsyz grant alyp, taǵy 3 bas qus alypty.
Mankent aýylynyń turǵyny Sanjarbek Bolysovtyń úıinde túıequstyń bir jasar bes balapany bar. Sharýa olardy qorada ustaıdy. Kúnine bir ret aýlaǵa shyǵaryp, sergitedi. Al aýyl syrtyndaǵy shaǵyn sharýashalyǵynda 4 bas analyq pen bir bas atalyǵyn baǵyp otyr. Balapan kezinde kútimi jaqsy bolsa, tez ósedi. Ári jergilikti aýa raıyna beıim, sýyqqa tózimdi deıdi.
"Ótken jyly 28-29 gradýs aıazǵa deıin shydady. Sol aıazda osy jerde turdy. Bıyl 17-18 gardýsqa deıin aıaz kóterildi, jaqsy. Al ystyqqa shydamdy. Bizge jańalyq bolyp turǵany endi úırenip jatyrmyz. Qandaı ereksheligi bar, qandaı qıyndyǵy bar. Jolǵa qoıyp alsaq biz úshin qıyn bolmaıdy", - deıdi kásipker Sanjarbek Bolysov.
Kásipkerdiń aıtýynsha, túıequstyń boıy 2-3 metrge jetedi. Atalyǵynyń salmaǵy 140-150 keli bolady. Árbiri 100 kelige deıin et beredi. Jergilikti meıramhanalar kelisin 4 myń teńgeden alýǵa daıyn deıdi. Eti qan qysymy jáne qant dıabetimen aýyratyndar úshin tapsyrmas em. Al terisin aıaq kıim, sómke jasaýǵa paıdalanady. Túıequs 60-70 jyl ómir súredi. Jylyna 45-50-ge deıin jumyrtqalaıdy.
Sanjarbektiń endigi armany ony kóbeıtip, aýylda, aýdanda damytý. Kádimgi qoı, jylqy baqqandaı halyqqa úıretý. Keleshekte ár úıde bolsa, eksportqa shyǵarý.
Óıtkeni bunyń ishindegi maıy qymbat turady eken. Kosmetologııada, kúıik shalǵan kezde paıdalanady eken. Júz gramm maıy 10 myń teńge turady. Keshe ǵana biz bireýin bordaqylap soıyp kórdik, 3 lıtr maı aldyq. Ol óziniń 1 jyl jeıtin jem-shóbiniń aqshasyn aqtaıdyı, - deıdi kásipker.
