Qazaqstan - ärtürlı körıktı jerlerı men bıregei tabiǧi landşafttary bar tartymdy turistık baǧyt. Qazaqstandaǧy belgılı turistık oryndarǧa Almaty, Astana, Şaryn kanony, Altai taulary jäne Balqaş kölı jäne äigılı Kölsai kölderı jatady.
Soŋǧy jyldary Qazaqstan özınıŋ turistık infraqūrylymyn belsendı damytyp, şeteldık turisterdı tartu üşın ıs-şaralar jürgızude. Mysaly, elımız Qazaqstannyŋ turistık körıktı jerlerı men mädenietıne nazar audaru üşın türlı mädeni festivaldar, sporttyq ıs-şaralar men körmeler ötkızedı.
Jalpy, ışkı turizm – ışkı mädeni, tabiǧi jäne tarihi körıktı jerlerdı zertteu jäne ony damytu. Ol ekonomikanyŋ maŋyzdy salasy bolyp tabylady jäne ışkı turizmdı damytudyŋ eldegı jaŋa jūmys oryndary men kurorttyq jäne mädeni ortalyqtaryn aşu arqyly Kölık jäne bölşek sauda salasyna da damyp, jetıluıne de äserı mol.
Turizmnıŋ damuy joldar, qonaqüiler, meiramhanalar jäne basqa da turistık nysandar siiaqty turistık infraqūrylymdy jaqsartu –mädeni mūrany saqtauǧa, jūmys oryndaryn qūruǧa jäne jergılıktı halyqtyŋ ömır süru sapasyn jaqsartady. Jaqynda, Mädeniet jäne sport ministrlıgınıŋ habarlauynşa, 2023 jylda elge kelgen turister sany 2,3 ese öskenı belgılı boldy. Būl degenımız qaŋtar-nauryz aralyǧynda Qazaqstanǧa 227,7 myŋ şeteldık turist kelgen, naqtyraq, 130 myŋ adamǧa nemese 2,3 esege köbeigen. Sondai-aq Qazaqstannyŋ öz ışınde 1 mln 348 myŋ qazaqstandyq saiahat jasaǧan.
Sonymen qatar jyl qorytyndysy boiynşa, Qazaqstan turizmnıŋ jahandyq reitingınde 117 eldıŋ ışınde 66-şy orynǧa jaiǧasqan.
Osy maqsatta Qazaqstandaǧy ışkı turizmdı ary qarai damytu üşın önerdı, mädeniettı, ışkı turizmdı, tarihi mūra obektılerın jäne şyǧarmaşylyq industriiany damytu salasyndaǧy aqparattyq-tüsındıru qyzmetın qamtamasyz etu eldegı osy salalardy damytudyŋ maŋyzdy aspektısı bolyp tabylady. Būl öz kezegınde keseneler, säulet eskertkışterı jäne basqa da tarihi maŋyzy bar oryndar siiaqty Qazaqstannyŋ tarihi mūra obektılerın tanymal etuge baǧyttalǧan.
Atalǧan salalarda aqparattyq-tüsındıru qyzmetın qamtamasyz etude qoǧamdyq ūiymdar, memlekettık mekemeler, mädeni ortalyqtar, turistık agenttıkter jäne basqa da ūiymdar maŋyzdy röl atqarady. Olar aqparattyq resurstardy qūru, şaralar qabyldau boiynşa belsendı jūmys ısteidı.
Osy tūsta Qazaqstandaǧy ışkı turizmdı damytuǧa yqpal etetın bırneşe şaralar men bastamalardy atap ötsek:
İnfraqūrylym jäne qyzmetter: qonaq üiler, meiramhanalar, kölık qyzmetterı jäne körıktı jerler siiaqty turistık infraqūrylymdy ünemı jetıldıru turisterdı köbırek tartuǧa kömektesedı. Sondai-aq turistık marşruttar baǧyttaryn josparlau: tarihi qalalar, tabiǧi saiabaqtar, mädeni körıktı jerler jäne ūlttyq saiabaqtar arqyly saiahattau siiaqty ärtürlı turistık marşruttardy qūru jäne ılgerıletu – turisterge tanylmaǧan tarihi oryndardy näsihattau. Işkı turizmde eskere ketetın eŋ basty qūndylyqtyŋ bırı – ūlttyq mädeniettı ılgerıletu. Mädeni ıs-şaralardy, festivaldar men körmelerdı ūiymdastyru arqyly ūlttyq mädeniet pen dästürlerdı tanytu – eldıŋ bıregei mädenietı men tarihymen tanysuǧa mümkındık berıp qana qoimai, turisterdıŋ Qazaqstanǧa degen qyzyǧuşylyǧyn arttyra tüsedı;
Auyldyq turizmdı damytu. Būl auyldyq jerlerdıŋ damuyna jäne jergılıktı halyqtyŋ ekonomikalyq äl-auqatynyŋ jaqsaruyn qamtamasyz etıp qana qoimai, auyldyq turizm men agroturizmdı damytyp, dästürlı qolönermen jäne auyl şaruaşylyǧymen tanysuǧa mümkındık beredı. Aita keterlıgı, ışkı turizm şaǧyn jäne orta biznestı damytu üşın qolaily jaǧdai jasaidy. Otbasylyq qonaq üiler, meiramhanalar jäne turistık agenttıkter siiaqty köptegen turistık käsıporyndar şaǧyn jäne orta biznes bolyp tabylady. Būl käsıporyndardyŋ damuy jaŋa jūmys oryndaryn qūruǧa jäne eldıŋ ärtürlı aimaqtarynda ekonomikalyq äl-auqatty jaqsartuǧa yqpal etedı.
Aita keteiık, Qazaqstanda ışkı turizmdı damytu maqsatynda şeteldık turisterdı tartatyn türlı sporttyq ıs-şaralar ötkızıledı. Olardyŋ qataryna golf, tennis chempionattaryn atap aitsaq bolady. Būl turnirlerge qatysu nemese jarystardy köru üşın Qazaqstanǧa älemnıŋ tükpır-tükpırınen äuesqoi sportşylar keledı. Sondai-aq ekstremaldy sport türlerı boiynşa elımızde velosiped sporty, tau şaŋǧysy, paraşiut sporty jäne t.b. siiaqty sport türlerı boiynşa türlı saiystar ūiymdastyrylady.
