Qaraǧandy haiuanattar baǧynda Amur jolbarystary Miia men Batyrdyŋ ekı şönjıgı düniege keldı, dep habarlaidy "Adyrna" ūlttyq portaly.
Haiuanattar baǧy qyzmetkerlerınıŋ mälımetınşe, şönjıkter 30 säuır künı tuǧan. Olar merzımınen būryn düniege kelgendıkten öte älsız bolǧan. Tuǧan kezdegı salmaqtary nebärı 450 jäne 530 grammdy qūraǧan.
Alǧaşqy künderı barlyq jaŋa tuǧan mysyq tūqymdastary siiaqty olardyŋ közderı aşylmaǧan jäne erekşe kütımdı qajet etken. Alaida bır aidyŋ ışınde şönjıkterdıŋ jaǧdaiy aitarlyqtai jaqsarǧan. Qazır olardyŋ ärqaisysynyŋ salmaǧy ekı kelıden asyp ketken.
Mamandardyŋ aituynşa, jolbarys şönjıkterı jaqsy qorektenıp, qarqyndy ösıp keledı.
"Miia analyq mındetın öte jaqsy atqaryp jatyr. Olar belsendı, jaqsy damyp keledı jäne kün saiyn şirap jatyr", – deidı haiuanattar baǧynyŋ qyzmetkerlerı.
Amur jolbarysy älemdegı eŋ sirek kezdesetın jolbarys türlerınıŋ bırı sanalady. Sondyqtan mamandar būl oqiǧany jyrtqyştardyŋ sirek türın saqtauǧa baǧyttalǧan maŋyzdy jetıstık dep baǧalap otyr.
Aita keteiık, būǧan deiın Resei prezidentı Putinnıŋ Memleket basşysy Toqaevqa tört Amur jolbarysyn syilaǧany habarlanǧan edı.
