Şymkentte 37 myŋ adam üi kezegınde, 100 myŋ adam jer kezegınde tūr. Arystyŋ 40 myŋnan astam xalqyna Şymkentten baspana salyp, jer ölşep bere salu da oŋai emes. Eŋ dūrysy qaru-jaraq qoimasy tolyq köşırılıp, zalal joq ekenıne äbden köz jetkennen keiın Arysqa oralu. Ükımet üilerın jöndep beremın dep otyr. Şyǧys Qazaqstan oblysy 1000 azamatty qabyldauǧa daiyn otyr. Arysqa oraludy qalamaǧan xalyqty memleketımızdıŋ xalqy az öŋırlerınen jer men üi berıp qonystandyru şaralary qolǧa alynǧany dūrys. Soltüstıkke, şyǧysqa kelgısı kelmese Arysqa oralsyn.
Al, eger bükıl Arysty Şymǧa köşırıp äkelse jer men üi kezegınde tūrǧan 150 myŋǧa juyq xalyq köterıledı. Ärine Arys xalqyn tüsınemız. Bıraq temır joldyŋ boiynda ornalasqan qalanyŋ bolaşaǧy bar. Äskeri qoimany köşırıp, tügel jauyp, qauıpsız jerge alyp ketkennen keiın Arysqa oralu eŋ dūrys şeşım dep oilaimyn. Halyqty da tüsınuge bolady. Degenmen memleket basqaru da tauyq ferma basqaru degen söz emes. Tūtas qalany köşırıp äkelu ülken şarua. Būl jaǧdaida memleket qauıpsızdık pen qiraǧan üilerdı jöndeudı, qoimany tolyq köşırudı öz moinyna alyp, xalyqtyŋ uaqyt öte Arysqa oralǧany eŋ dūrys şeşım.
Bauyrjan SERIKBAIEV
"Adyrna" ūlttyq portaly
