Belgılı sport kommentatory, ardager jurnalist Rabat Jänıbekov ömırden öttı, dep habarlaidy "Adyrna" tılşısı.
Qaraly habardy jurnalist Kemelbek Oişybaev jetkızdı.
Äleumettık jelıde jariialaǧan jazbasynda:
"Qazaq televiziiasynyŋ belgılı sport jurnalistı, alǧaş qazaq tılındegı sport kommentatory bolǧan, ardager Rabat Jänıbekov ömırden ötkenı turaly suyq habar taŋmen keldı. Rabat aǧamyz turaly kışkentai kezımnen estitınmın, äkem Baqtyǧūl Oişybaev Rabat aǧaimen KazGUde jurnalist mamandyǧyna oqyǧan kezınde jataqhanada bır bölmede tūrǧanyn aityp, studenttık şaqtaryn eske alatyn. Soŋǧy kezde auyryp jatqany turaly ūly Muslim habarlaǧan. Aǧamyzdyŋ arty qaiyrly, jany jannata bolsyn", - dep köŋıl aitty.Rabat Jänıbekov 1942 jyly Türkıstan oblysy Qazyǧūrt audanynda düniegen kelgen. Marqūm qazaq televiziiasynda bırneşe jyl boiy abyroily qyzmet etıp, kommentator boldy. Ol eŋ alǧaş 1973 jyly Mäskeude ötken Futboldan KSRO Chempionatyndaǧy "Qairat" - "Torpedo" kezdesuın jürgızdı.
Ūqsas jaŋalyqtar
