Tótenshe jaǵdaılar mınıstri jer silkinisin aldyn ala boljaý múmkin emestigin aıtty, dep habarlaıdy "Adyrna" tilshisi Qazaqparatqa siltep.
Mınıstrdiń málimetinshe qazir el boıynsha seısmıkalyq jaǵdaı turaqty.
"Keshe bolǵan jer silkinisi boıynsha mınıstrlik birinshi mınýttan bastap qajetti sharalardy úılestirdi. Azamattardyń arasynda úreı boldyrmaý úshin jer silkinisi týraly jáne odan ary halyqtyń áreketteri boıynsha habardar etýdi bastady. Sóıleý dabyly, sırena jáne jergilikti obektiler júıesi tartylyp, teleradıo kanaldary arqyly jetkizdik. Respýblıkalyq jáne óńirlik jedel shtabtar ashylyp, 386 azamattardy qabyldaý pýnkti uıymdastyryldy. Táýlik boıy jedel jeli jumys istep tur. Keshe qabyldaý qabyldaý pýnktterinde úsh myńǵa jýyq adam ornalasty. Onyń ishinde 906 bala bar. Ákimdikter qıraǵan ǵımarattardy anyqtaý boıynsha tekserýdi jalǵastyryp jatyr", — dedi mınıstr Shyńǵys Árinov.
Mınıstr áýe kemesimen sel qaýpi bar aýmaqtarda aerovızýaldy zertteý júrgizilgenin de atap ótti.
"Jer silkinisi kez kelgen tótenshe jaǵdaı sııaqty aldyn ala boljaý múmkin emes. Osyǵan baılanysty mınıstrlik olardyń aldyn alý jáne halyqty birinshi kezekti áreketterge daıyndaý boıynsha jumys júrgizýde. 20 aqpannan bastap Almatyda azamattardy tótenshe jaǵdaılarǵa daıyndaý úshin mınıstrliktiń bastyqtary qatarynan jedel top jumys isteýde. Osy qysqa merzim ishinde jer silkinisi kezinde azamattardyń is-qımyly týraly aýqymdy aqparattandyrý jáne túsindirý jumysy júrgizildi. Ol óz nátıjesin kórsetti. Bul joly halyqtyń kóp bóligi úreıge ushyraǵan joq. Jedel top 8 myńǵa jýyq aýlany aralap, bilim berý nysandarynda 650-den astam sabaq ótkizdi jáne adamdar kóp jınalatyn oryndarda túsindirý jumystary men eskerpeler taratty. Keshe meniń buıryǵymmen halyqty oqytý jáne jer silkinisi kezinde praktıkalyq áreketterdi pysyqtaý úshin qosymsha Almatyǵa Uzynaǵashtan áskerı qyzmetshiler jiberildi", — dedi Shyńǵys Árinov.
