Indýstrııa jáne qurylys mınıstrligi belsendi qazaqstandyqtarmen kezdeskennen soń kádege jaratý aqysyna qatysty tarıf máselesi boıynsha málimdeme jasady, dep habarlaıdy "Adyrna" tilshisi Tengri.news-qa siltep.
Mınıstrlik tarıfti tómendetý boıynsha sheshimder qarastyrylmaǵanyn aıtady.
"Memlekettik organdardyń ókilderi bastamashyl toptyń barlyq suraqtary men usynystaryn muqııat tyńdady. Otyrysqa qatysýshylarǵa qazirgi ýaqytta tarıfterdi tómendetý qarastyrylyp jatqan joq ekeni túsindirildi. Sheteldik avtokólikterdi tirkeý kezinde tólemderdiń bolýy boıynsha tıisti sharalar tehnıkalyq reglamentke sáıkes kelmeıtin kólik quraldaryn ákelýdi shekteý ǵana emes, sonymen qatar otandyq avtokólik óndirisin damytýǵa qarajat baǵyttaý maqsatynda engizildi", - dep málimdedi mınıstrliktiń baspasóz qyzmetinde.
