Syrtqy ister mınıstrligi Qazaqstannyń Palestına-Izraıl qaqtyǵysyna qatysty ustanymyn bildirdi, dep habarlaıdy "Adyrna" ulttyq portaly SIM baspasózine siltep.
5 naýryz kúni Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Nurtileý Palestınadaǵy jaǵdaıǵa arnalǵan Islam yntymaqtastyǵy uıymynyń Syrtqy ister mınıstrleri keńesiniń tótenshe sessııasyna qatysty.
Sessııa jumysyna IYU elderiniń, onyń ishinde Saýd Arabııasy, Kýveıt, Katar, Iordanııa, Iran, Túrkııa, Marokko syrtqy saıası vedomstvolarynyń basshylary qatysty.
Shara barysynda IYU-ǵa múshe memleketter Gaza sektorynda atysty dereý toqtatýǵa shaqyrdy jáne Palestına-Izraıl daǵdarysyn tezirek sheshý qajettigin alǵa tartty.
Murat Nurtileý óz sózinde Gaza sektoryndaǵy uzaqqa sozylǵan gýmanıtarlyq apatqa baılanysty erekshe alańdaýshylyq bildirdi.
"Qazaqstan syrtqy saıası vedomstvosynyń basshysy kóp jylǵy qaqtyǵystyń jalǵyz sheshimi retinde BUU bekitken «eki halyq úshin eki memleket» formýlasy negizinde 1967 jylǵy shekaralarda Palestına memleketin qurý boıynsha Qazaqstannyń ózgermeıtin ustanymyn rastady" delindi Syrtqy ister mınıstrliginiń resmı jańalyqtar kanalynda.
Is-shara musylman elderiniń Palestına halqymen úndestigin jáne qaqtyǵysty tezirek toqtatý úshin belsendi áreket etýge umtylysyn kórsetti.
