Gaza sektoryna áýeden tastalǵan gýmanıtarlyq júk tıelgen birneshe parashıýt ashylmaı, jerde kómek kútken palestınalyqtardyń ústine qulady, - dep habarlaıdy "Adyrna" ulttyq portaly Anadolu basylymyna silteme jasap.
Kýágerlerdiń aıtýynsha, jáshikter Shatı bosqyndar lagerinde jáne Gazanyń soltústigindegi Djala kóshesinde gýmanıtarlyq kómek kútip turǵan beıbit turǵyndarǵa qulaǵan. Oqıǵa saldarynan, aldyn ala málimet boıynsha, bes adam qaza taýyp, taǵy birneshe adam jaralanǵan.
Egıpet, BAÁ, Iordanııa, Qatar, Oman jáne Bahreın sońǵy aptada Gaza sektoryna áýe kómegin jetkizý úshin birlesken operaııalar júrgizdi.
Buǵan deıin gýmanıtarlyq kómekke qol jetkizgisi kelgen palestınalyqtar túrly qıynshylyqtarmen betpe-bet kelgen. Máselen, Gazaǵa túsken kómektiń bir bóligi teńizge qulaǵan bolatyn. Keıbireýleri shaǵyn balyq aýlaý qaıyqtarymen teńizge shyqsa, al keıbireýleri júk jáshikterine jetý úshin júzip barǵan.
Birikken Ulttar Uıymy jáne basqa da halyqaralyq uıymdar ashtyq, shól jáne gıgıenalyq materıaldardyń jetispeýshiliginen týyndaǵan aýrýlar beleń alǵan Gazada atysty toqtatýǵa jáne gýmanıtarlyq kómek aǵynyn arttyrýǵa shaqyrýda.
Eske sala keteıik, 7 qazannan beri Izraıldiń Gaza sektoryna jasaǵan shabýyldarynan 30 800 palestınalyq mert bolyp, onyń ishinde keminde 13 430 bala qaza taýyp, 72 298-i jaralanǵan.
