Atyraýda memleketaralyq izdeýde júrgen sheteldik tabyldy, dep habarlaıdy "Adyrna" ulttyq portaly "Moı gorod" basylymyna silteme jasap.
Atyraý oblysy boıynsha PD kóshi-qon qyzmeti basqarmasynyń qyzmetkerleri sot oryndaýshylarynyń sheshimderi negizinde izdeýde júrgen boryshkerlerdi anyqtaýda.
«Ótken jyly Atyraý oblysynda júzden astam boryshkerge izdeý jarııalandy.Qyzmetkerler 79 boryshkerdiń turǵylyqty jerin anyqtady.Olar arnaıy esepten shyǵaryldy. Izdeýdegi boryshkerler qatarynda qazaqstandyq azamattarmen qosa sheteldikter de bar», - dep túsindirdi oblystyq polıııa departamentinen.
27 aqpanda qyzmetkerler Ózbekstan azamatyn anyqtady. 32 jastaǵy áıel «boryshker» sanaty boıynsha memleketaralyq izdeýde bolǵan.
"2022 jyldyń 5 jeltoqsanynda sheteldik azamatqa 53 603 teńge kóleminde ákimshilik aıyppul salyndy. Odan qaryz óndirildi. Sondaı-aq ol elde bolý zańdylyǵyn buzdy. Ol qaıtadan ákimshilik jaýapkershilikke tartyldy", - delingen departament habarlamasynda.
