Arys qalasyndaǧy jarylystan zardap şekken halyqtyŋ jai-küiımen tanysuǧa QR Premer-ministrı A.Mamin arnaiy keldı. Premer-ministr oblys basşysy Ö.Şökeevpen bırge snariadtan zaqym kelgen tūrǧyn üiler men 4 qabatty qalalyq auruhanany, halyqqa qyzmet körsetu ortalyǧyn jäne Köktem şaǧynaudanyndaǧy İ.Jurba atyndaǧy orta mekteptı aralap, ǧimarattardyŋ jai-küiımen tanysty. Sonymen qatar, künı keşe üilerıne oralǧan arystyqtarmen söilesıp, olarǧa tiıstı kömek körsetıletının jetkızdı.
Sodan keiın Premer-ministr Arys qalasyna berıluı tiıs kömektı talqylau maqsatynda ükımettık komissiia otyrysyna qatysty.
Jinalysta Asqar Mamin Arysta tūratyn ärbır tūrǧynǧa, iaǧni 44 781 azamatqa Ükımetten 100 myŋ teŋgeden berıletının aitty. Sondai-aq, qala 1 ai kölemınde tolyq jöndeuden ötetının jetkızdı. Būdan özge, arystyq käsıpkerlerge 1 paiyzben 5 million teŋgege deiın jeŋıldetılgen nesie berıletının boldy.
Sonymen qatar, Ükımet basşysy Arys qalasynda jaŋa auruhana salynyp, 4 myŋnan astam bala jazǧy demalysqa baratynyn baiandady. Eŋ bastysy, qaladaǧy äskeri arsenal 2 aptada basqa aimaqqa köşırıletını jönınde şeşım qabyldandy.
Türkıstan oblysy äkımınıŋ baspasöz qyzmetı
" Adyrna" ūlttyq portaly
