"Saqtandyru emes, salyqtyŋ qosymşa türı". Deputat Elnūr Beisenbaev MÄMS jüiesın synady

Mäjılıs deputaty Elnūr Beisenbaev Densaulyq saqtau ministrı Aqmaral Älnazarovaǧa bırqatar salalyq mäselelerdı atap, deputattyq saual joldady, dep habarlaidy "Adyrna" ūlttyq portaly. Deputat qazırgı taŋdaǧy qoldanystaǧy medisinalyq saqtandyrudyŋ modelı bırneşe normalarǧa säikes kelmeitının aitty: "Medisinalyq saqtandyrudyŋ qoldanystaǧy modelı ekonomikanyŋ barlyq qaǧidattaryna qaişy keledı, öz densaulyǧy üşın derbes jauapkerşılıktı jäne emdeluge derbes jinaqtardy qamtymaidy. Adam öz densaulyǧyna qalai qaraitynyna qaramastan töleuge mındettı bolyp şyǧady. Iаǧni, jaman ädetterı joq, sportpen şūǧyldanatyn jäne audarymdaryn emdeuge jūmsamaityndar densaulyǧyna män bermeitınder, temekı şegetınder, ışetınder jäne odan ünemı därı-därmekter men därıgerlerge aqşa jūmsaityndarmen bırdei töleuı kerek" dedı Beisenbaev. Sondai-aq, ol erekşe sanattaǧy adamdar tobyna qatysty yntymaqty qaǧidat boiynşa jūmys ısteluı kerektıgın qosty. "Qarttarǧa, mügedekterge jäne tötenşe jaǧdailarǧa qatysty yntymaqty qaǧidat jūmys ısteuı kerek ekenı tüsınıktı. Bıraq tolyqqandy adamdar densaulyǧyna jauap beruı kerek. Al ärbır jarna töleuşınıŋ öz jarnalaryn öz betınşe bilık etuge qūqyǧy boluǧa tiıs. Äitpese, olardyŋ edisinalyq kömekke jügınbesten ai saiyn Qorǧa töleitın aqşasy  üşınşı tūlǧalardyŋ medisinalyq qyzmetterın töleuge ketedı, sonymen qatar Qor ony öz qalauy boiynşa paidalanady. Aqiqatynda, būl saqtandyru emes, salyqtyŋ qosymşa türı" delındı deputat saualynda. Elnūr Beisenbaev saqtandyru somasyn köbeitpes būryn atalmyş mäselelerdı şeşıp alu qajettıgın aitty. "Bıraq salyqtardy aşyq türde paidalanu kerek, al MÄMS qorynyŋ jūmysy – būl bır ülken jūmbaq jäne bır ülken tübı joq «qara tesık». Mūndai jaǧdailarda aldyŋǧy jüzdegen milliardtardyŋ qalai jäne nege jūmsalǧanyn tüsınbei tūryp, qorǧa tölemderdı bes ese arttyru qoǧam üşın tym qymbat jäne bizneske şamadan tys jükteme bolyp tabylady" dedı ol. MÄMS jüiesıne qatysty közge körınetın mäselelerdı atai otyryp, ol ministrden: "MÄMS tölemderın arttyrudan bas tartu; Medisinalyq saqtandyru jüiesın monopoliiasyzdandyru jäne osy salada naryqtyq jäne bäsekelestık tetıkterdı engızu; Azamattardyŋ saqtandyru ūiymdaryndaǧy şottaryn aşyqtyq pen erıktılık negızınde derbestendıru; Ärbır naqty azamattyŋ densaulyq jaǧdaiy men ömır saltyna bailanysty saqtandyru syilyqaqylaryn töleu somalaryn aiqyndau ädıstemesın äzırleu; MÄMS saqtandyru jäne yntymaqtastyq bölımın bölu" boiynşa şeşım qarastyrudy sūrady.