Tıktok jelisinde jyndy adamsha túrli is-áreket jasaǵan áje kóptiń synyna qaldy, dep habarlaıdy "Adyrna" tilshisi Caravan.kz-ke siltep.
Áleýmettik jelide "hıt bolamyn" dep túrli bı bılep, áreketter jasap, kóptiń ashýyna tıgender kóp.
Jýrnalıst Gúlmıra Ábiqaı jelide talqyǵa túsken vıdeony óziniń Instagram paraqshasynda jarııalap, tık tok jelisine tyıym salýdy da usyndy.
"Basty bále tık toktan. Tıktokqa shyǵyp kári de, jasta óz qadirin ketirýde. Kóp memleket osy áleýmettik jeliniń paıdasynan góri zııany kóp ekenin kórip, qoldanýǵa zańmen tyıym salýda. Bul ınternet qaýymdastyq 2016-shy jyly paıda boldy. Qazir aıyna 1 mlrd. astam qoldanýshy tıktok jelisine kiredi eken.
Oılap tapqan Qytaı azamaty Chjan Imın. Aıta keterligi Qytaıdyń ózinde tıktok joq. Ornyna osynyń balamasy “Doýın” jumys isteıdi. Munda boqtyq sóz, jaǵymsyz áreketter shektelgen! Tıktok jelisin qoldanýǵa tyıym salynǵan memleketter:
EýroOdaq kóleminde, Franııa, Norvegııa, Ulybrıtanııa, Kanada, Belgııa jáne Túrkııa, Pákistan, Úndistan, Sıngapýr, Malaızııa. AQSh Kongressiniń ózi keshe ǵana bul jelini qoldanýǵa tyıym salatyn zań jobasyn maquldady.Tipti, kórshi Qyrǵyzstan tıktokqa tyıym salý jaıyn talqylaýda.
Al, biz Qara qatyn qoltyqshashtan bastap nebireýlerdi kórip kele jatyrmyz. Tikeleı efırde iship masaıyp, saǵattap jel shyǵaryp, tipti, dáretke otyratyndar da bar deı ma, qudaı-aý?! Ne isteımiz?", — dep jazdy jýrnalıst.
Eki kózin alartyp, tilin shyǵaryp, mazaq bolǵan ájege qatysty jeli oqyrmandary da túrli pikir jazdy.
"Myna apada kóktemdik krızıs pa", "Strımda otyratyndar ájelerdi áje deýge kelmeıdi", "Mynaý ne sumdyq!", "Osyndaı ájelerden tárbıelengen balalar qandaı bolar eken?" dep jazǵan oqyrmandar kóp.
