Jambyl oblysyndaǵy jetinshi synyp oqýshysy matematıka pániniń muǵalimimen janjaldasyp, artynsha jetkinshek jedel járdem kómegine júgingen, dep habarlaıdy "Adyrna" ulttyq portaly.
Jelide taraǵan vıdeonyń sıpattamasynda Jambyl oblysy Moıynqum aýdanyndaǵy mektepterdiń birinde matematıka pániniń muǵalimi jasóspirimdi psıhıkalyq kúızeliske túsirgeni aıtylady. Jambyl oblysy ákimdiginiń bilim basqarmasy oqıǵaǵa qatysty túsinikteme berdi.
«Aǵymdaǵy jyldyń 14 naýryzynda Moıynqum aýdany bilim bólimine qarasty Aıdarly aýylyndaǵy N2 orta mekteptiń matematıka pániniń muǵalimi men 7-synyp oqýshysy arasynda janjal týyndap, nátıjesinde oqýshynyń densaýlyǵy nasharlap, aldymen mektep medbıkesi men aýyldyq dárigerlik ambýlatorııa dárigeri kómek kórsetip, keıinnen jedel járdem shaqyryldy. Ishki ister qyzmetkerleri jaýapty tulǵalardan túsindirme hat aldy. Búginde oqýshynyń jaǵdaıy jaqsy», - delingen habarlamada.
Mán-jaıdy anyqtaý úshin bilim basqarmasy komıssııa quryp, ishki tekserý júrgizilip jatqany aıtylady. Qorytyndysy boıynsha tıisti sharalar qabyldanyp, jaǵdaı bilim basqarmasynyń qatań baqylaýynda bolady.
