Pavlodar qalasynyŋ äkımı «Aq joldyŋ» synynan soŋ qyzmetınen şettetıldı. BAQ habarlauynşa, oblys äkımı osyndai şeşımdı, qala basşysynyŋ memleket aqşasyna 50 mln teŋgege päter men 6 mln-ǧa eben jihazyn alyp, «senımnen aiyrylǧany» üşın qabyldaǧan.
Aita ketsek, 2019 jyldyŋ 19 jeltoqsanynda «Aq jol» fraksiiasy Pavlodar, Atyrau, Öskemen, Şymkent, Kökşetau, Batys Qazaqstan oblysy Aqsai audany, Almaty oblysynyŋ Jambyl audany şeneunıkterınıŋ memleket qarjysyna üi alu mäselesıne bailanysty Premer-Ministrge saual joldaǧan bolatyn.
Solardyŋ ışındegı soiqany – Pavlodar äkımınıŋ 50 mln teŋgege alǧan 230 m2 kölemındegı päterı men taǧy da jalpy somasy 226 mln teŋgenı qūraityn bes päter aluy boldy.
«İpotekany töleu üşın myŋdaǧan azamattarymyz özderın qarjylyq jaǧynan şekteuge mäjbür. «7-20-25» baǧdarlamasynyŋ özınde päter qūnynyŋ şekteuı körsetılgen – būl jaǧdaida kei şeneunıkterdıŋ sänqūmarlyǧy sūraq tuyndatady. Däl sol Pavlodar oblysyndaǧy «7-20-25» baǧdarlamasy boiynşa baspananyŋ şektı baǧasy – 15 mln, al äkımdık bolsa öz üilerın būdan 3,5 ese baǧaǧa alyp otyr», – delıngen Meruert Qazbekovanyŋ deputtatyq saualynda.
Bır apta būryn, osy jyldyŋ 21 mausymyndaǧy Parlament palatalarynyŋ otyrysynda «Aq jol» fraksiiasynyŋ köşbasşysy Azat Peruaşev şeneunıkterdı ysyrapşyldyǧy üşın taǧy da synǧa alǧan edı. Sol Pavlodarda tropikalyq aǧaştan jasalǧan äkım keŋsesınıŋ jihazyna 10 mln teŋge kölemındegı saudaǧa tender ötkızılgen. Qala äkımınıŋ «tılegınıŋ» erekşe bolǧany sonşalyq, deputat alǧaşynda äkımdıktıŋ ötınımın dūrys tüsıne alǧan joq: «Memlekettık organdar men ūlttyq kompaniialar asyra ömır sürın jalǧastyruda... Aimaq basşylary biudjet qarajatyna qalaǧan närsesın aluda – zäulım üiler, qymbat kölıkter, eben aǧaşynyŋ jihazy.
Mümkın jeter? Bai ömır sürgılerıŋız kelse – bizneske baryp, aqşa tabyŋyzdar. Al memlekettık qyzmetker ärbır tiyndy ünemdeuı tiıs».
Sol kezde Azat Peruaşev Premer-Ministrge hat jazyp, onyŋ ıskerlık qasietterın eskere otyryp, biudjet qarajatyn paidalanuǧa bailanysty mäselelerdı retteudı sūraǧan edı.
Körıp otyrǧanymyzdai, jaŋa ükımet deputattardyŋ narazylyǧyna qūlaq asa bastady.
«Aq jol» partiiasy men onyŋ deputattyq fraksiiasy sailaualdy baǧdarlamany jüzege asyru jūmystaryn jäne sailauşylardyŋ talaptaryn oryndaudy jalǧastyruda.
"Aq jol" partiiasynyŋ baspasöz qyzmetı
