Elordadaǵy EHRO halyqaralyq kórme ortalyǵynda aýqymdy merekelik is-sharalar uıymdastyryldy. Qonaqtar úshin Naýryz bazary jármeńkesi esigin aıqara ashty, dep habarlaıdy Astana ákimdiginiń resmı saıty.
Bul kúnderi basty merekelik is-sharalar 21-23 naýryz aralyǵynda-EHRO halyqaralyq kórme ortalyǵynda ótedi.
Munda jyl saıynǵy «Naýryz bazary» Shyǵys jármeńkesi ótti, onda arnaıy merekelik baǵamen azyq-túlikten bastap toqyma buıymdaryna deıingi qazaqstandyq taýarlar usynyldy.
Jármeńkede qoldan jasalǵan buıymdardan basqa, azyq-túlikti tikeleı aýyl sharýashylyǵy taýaryn óndirýshilerden satyp alýǵa bolady. Kelýshiler úshin arnaıy qaǵıdat boıynsha alyp-satarlarsyz jańa ónimder qoljetimdi. El óńirlerinen kelgen fermerler azyq-túlik jármeńkesine 200 tonnadan astam ónim, onyń ishinde et jáne sút ónimderi, kókónister men jemister, bal jáne t.b. ákeldi.
Qazaqstan, Túrkııa, Iran, Ázerbaıjan, Tájikstan, Qyrǵyzstan jáne basqa da shet elderdiń qolónershileri ulttyq, taqyryptyq buıymdar men kartınalardyń túrlerin usyndy.
Qonaqtar shyǵys taǵamdary festıvaline qatysa alady, onda merekelik dastarhannyń basty taǵamy – Naýryz kóje, sol sııaqty ystyq palaý, baýyrsaqtar jáne elordanyń úzdik mekemelerinen basqa da taǵamdar usynylady.
Jastar úshin arqan tartý, asyq atý, toǵyzqumalaq jáne taǵy basqa ulttyq oıyndardan týrnırler uıymdastyryldy.
EHRO merekeleri 22 jáne 23 naýryzda saǵat 9:00-den 18:00-ge deıin ótedi.
