22 nauryz — bükıl mūsylman elı bolyp jaŋa jyldy toilaityn mereke künı. Būl künı kün men tün teŋelıp, jer betı busanyp, qar tıgısınen sögılıp, älemge jasyl alqap oranǧan tırşılık keledı. Aǧaiyn-jūrt bır-bırın qonaqqa şaqyryp, qol alysady, tös qaǧystyryp, yntymaqqa şaqyrady.
Parsyşa «nauryz» bırınşı aidyŋ bırınşı künı degendı bıldıredı. Būl aidy soǧdalyqtar «nausaryz», horezmdıkter «nausardji», armiandar «navasardi», chuvaştar «noras-oiahe» dep ataǧan.
Ūlystyŋ ūly künı keŋes zamanynda talai jyldar boiy dıni mereke dep sanaldy. Soŋǧy ret 1926 jyly toilanǧan Nauryz meiramy Qazaqstanda 1990 jyldardyŋ basynda qaitadan resmi türde atala bastady. 2001 jyly Nauryz meiramy memlekettık mereke retınde jariialandy.
Biyl Mädeniet jäne aqparat ministrlıgı Nauryz meiramyn toilaudyŋ tūjyrymdamasyn jariialady. Onda ūlystyŋ ūly künınıŋ jaŋa formatta toilanatyny körsetılgen. Būdan bylai elımızde jyl saiyn 14-23 nauryz aralyǧynda Nauryznama onkündıgı ötkızıledı.
Nauryznamanyŋ baǧdarlamasy:
14 nauryz künı – Körısu künı-Amal merekesı toilanady. Būl dästür negızınde elımızdıŋ batys öŋırlerınde saqtalǧan. Bügıngı künı atalǧan merekenı barlyq aimaqtarda toilau ūsynyldy.
15 nauryz – Qaiyrymdylyq künı. Būl kün el boiynşa qaiyrymdylyqqa, meiırım men tatu körşılıkke arnalady.
16 nauryz – Mädeniet jäne ūlttyq salt-dästür künı. Ol künı qazaqtyŋ mädenietı, önerı men ūlttyq qūndylyqtary keŋınen nasihattalady.
17 nauryz – Şaŋyraq künı. Osy künı otbasylyq qūndylyqtarymyzdy därıpteuge, önegelı ūrpaq tärbielegen ülgılı otbasylarǧa arnalǧan mädeni ıs-şaralar ötedı.
18 nauryz – Ūlttyq kiım künı. Qazaqtyŋ ūlttyq kiımderın nasihattauǧa arnalǧan türlı ıs-şaralardy ötkızu ūsynylyp otyr.
19 nauryz – Jaŋaru künı. Osy künı köktemgı aǧaş egu dästürın jalǧastyru ūsynyldy.
20 nauryz – Ūlttyq sport künı. Būl künı eldıŋ barlyq aimaqtarynda ūlttyq sporttan türlı jarystar ūiymdastyrylady.
21 nauryz – Yntymaq künı. Būl künnıŋ ideiasy – jalpy halyq bır-bırıne degen syi-qūrmetterın arttyryp, tatulyq pen bırlıktı nasihattau bolyp tabylady.
22 nauryz – Jyl basy. Būl künı elımızdıŋ barlyq öŋırlerınde jalpyhalyqtyq mädeni-sporttyq ıs-şaralar ötkızılıp, stildı etnoauyldar men türlı järmeŋkeler ūiymdastyrylady.
Al Nauryznamanyŋ qorytyndy künı, jaŋa jyldy qarsy aludyŋ simvoly retınde 23 nauryz – Tazaru künı dep jariialandy. Būl künı Qazaqstannyŋ barlyq aimaqtarynda jalpyūlttyq ekologiialyq aksiia ötedı.
