Arystaǧy tötenşe jaǧdaiǧa qatysty qozǧalǧan qylmystyq ıs ūzaq uaqyt tergeluı mümkın
QR Bas äskeri prokurorynyŋ orynbasary Darhan Erjanov Arys qalasyndaǧy jarylysqa qatysty qozǧalǧan qylmystyq ıs ūzaq tergeluı mümkın ekenın aitty, dep habarlaidy "Adyrna" ūlttyq portaly Sputnik Qazaqstan -ǧa sılteme jasap.
Ol Arys qalasynda ornalasqan tötenşe jaǧdaiǧa qatysty QR qylmystyq kodeksınıŋ 462-baby 3-bölıgı boiynşa sotqa deiıngı tergep-tekseru amaldary jürıp jatqanyn atap öttı.
"Qaru-jaraqpen, oq-därimen nemese qauıp töndıretın özge de zattarmen jūmys ısteu erejelerın būzyp, būl abaisyzda eki nemese odan da köp adamnyŋ ölimine äkep soqqan jaǧdaida – küdıktını bes jyldan on jylǧa deiingi merzimge bas bostandyǧynan aiyru jazasy közdelgen", - dedı Darhan Erjanov.
Bas äskeri prokurordyŋ orynbasary qylmystyq ıstı tergeu üşın ışkı ıster ministrlıgınıŋ täjıribelı qyzmetkerlerı engen jedel-tergeu toby qūrylǧanyn jetkızdı.
"Zaŋdylyqty qamtamasyz etu, azamattardyŋ konstitusiialyq qūqyqtaryn saqtau, qylmysty tez aşu, kınälı tūlǧalardy anyqtau maqsatynda tergeuge äskeri jäne jergılıktı prokuraturalardyŋ qyzmetkerlerı qatysuda. Qūqyq qorǧau organdarynyŋ qyzmetın üilestıru üşın müddelı vedomstvolarmen bırlese otyryp tergep-tekseru jospary äzırlendı", - dedı ol.
Onyŋ aituynşa, tergeudıŋ bastapqy kezeŋınde jaǧdaidyŋ män-jaiyn anyqtauǧa, adam ölımıne ne sebep bolǧanyna basa nazar audarylady. "Oqiǧa orny tekserılıp, ıske qatysy bar qūjattardy alynyp jatyr. Keltırılgen zalal anyqtaluda. Qazırgı kezde 100-den asa adamnan jauap alyndy. Sonymen qatar, boljamdy nūsqalar, olardyŋ arasynda ört qauıpsızdıgın saqtamau, lauazymdy tūlǧalardyŋ salǧyrttyǧy jäne taǧy basqa sebepter qaralyp jatyr", - dedı Darhan Erjanov. Bas äskeri prokurordyŋ orynbasarynyŋ pıkırınşe, mūnyŋ bärı tekserıletın bolady. Oq-därı saqtalatyn qoimalardyŋ qauıpsızdıgın qamtamasyz etuge bölıngen biudjet qarajaty qanşalyqty dūrys paidalanylǧany da qaralady. Erjanov jarylǧyş zattardyŋ dūrys jinaluy, qoimalarda anyqtalǧan kemşılıkterdıŋ uaqtyly joiylǧan-joiylmaǧanyna qatysty äskeri qyzmetşılerdıŋ äreketı tekserıletının aitty."Tergeu nätijesınde jauapty tūlǧalardyŋ ıs-äreketterıne qūqyqtyq baǧa berıledı. Tergep-tekseru barysy Bas prokurordyŋ baqylauynda", - dedı ol.
Söz soŋynda Darhan Erjanov qylmystyq ıstı tergeu ūzaqqa sozyluy mümkın ekenın aitty. "Qylmystyq prosessualdyq kodekske säikes, qylmystyq ıs 2 ai tergeledı. Eger 2 aida tiıstı aiǧaqtar jinalmasa, ıstı tergeu uaqyty sozylady. Tıptı, 3-5 aiǧa deiın jetuı mümkın. Būl öte kürdelı qylmystyq ıs. Tergeu jürgızılıp jatyr. Köp jūmys ısteu kerek", - dep tüiındedı sözın bas äskeri prokurordyŋ orynbasary.
