Memleket basşysy Qasym-Jomart Toqaevtyŋ atyna Nauryz meiramyna orai qūttyqtau jedelhattary kelıp tüsıp jatyr, dep habarlaidy «Adyrna» tılşısı Aqordaǧa sılteme jasap.
Qytai Halyq Respublikasynyŋ Töraǧasy Si Szinpin Qasym-Jomart Toqaev pen qazaqstandyqtardy Nauryz meiramymen qūttyqtady.
– Men qazaq-qytai bailanystaryn damytuǧa basa män beremın. Ekı el arasyndaǧy dästürlı dostyqty nyǧaituǧa negızdelgen özara tiımdı jäne jan-jaqty yntymaqtastyqty keŋeitu üşın Sızben küş-jıger bırıktıruge daiynmyn, – dep jazylǧan jedelhatta.
Al AQŞ prezidentı Djozef Baiden öz qūttyqtauynda elderımızdıŋ klimattyq daǧdarys, energetikalyq qauıpsızdık jäne ekologiia mäselelerın şeşu ısındegı soŋǧy jyldary qol jetkızgen tabystaryn maqtan tūtatynyn atap ötken.
– Būl yntymaqtastyq ūrpaq bolaşaǧyn jarqyn etuge septıgın tigızedı. Ümıt pen jaŋarudyŋ nyşany bolyp sanalatyn Nauryzda elderımızdıŋ arasyndaǧy serıktestık pen halyqtarymyzdyŋ dostyǧy odan ärı nyǧaia beretınıne senımdımın, – delıngen jedelhatta.
Türkiia prezidentı Rejep Taiip Erdoǧan öz qūttyqtauynda Nauryzdyŋ jaqsylyq pen molşylyqtyŋ meiramy ekenıne nazar audarǧan.
– Ortaq mädenietımızdıŋ maŋyzdy bölıgı sanalatyn osy aituly künde dostyq pen bauyrlastyq bailanystarymyz odan ärı nyǧaia tüserıne senım bıldıremın, – dep jazylǧan jedelhatta.
Özbekstan prezidentı Şavkat Mirziëev öz qūttyqtauynda bauyrlas halyqtar būl meiramdy myŋdaǧan jyldan berı saltanatty türde ärı keŋ kölemde toilap kele jatqanyn aitty.
– Özara senımge, qūrmet pen ortaq müddege negızdelgen bauyrlas jäne körşıles ekı el arasyndaǧy yntymaqtastyq odan ärı nyǧaiyp, qarqyndy türde dami beretınıne senımdımın, – dep jazylǧan jedelhatta.
Qyrǧyzstan prezidentı Sadyr Japarov özınıŋ qūttyqtau jedelhatynda köneden kele jatqan Nauryz meiramy qyrǧyz ben qazaq halyqtarynyŋ tarihy men qūndylyqtarynyŋ ortaq ekenın bıldıretının atap ötken.
– Aldaǧy uaqytta jüzege asyrylatyn ekıjaqty ıs-şaralardyŋ nätijelerı elderımız arasyndaǧy saiasi dialogtyŋ joǧary deŋgeide ekenın naqtylap, qyrǧyz-qazaq yntymaqtastyǧyn odan ärı nyǧaituǧa yqpal etetınıne senım bıldıremın, – dep jazylǧan jedelhatta.
