Ekibastuzda sý qoımadaǵy muz astyna ketken kólikten eki adamnyń máıiti shyǵaryldy, dep habarlaıdy “Adyrna” ulttyq portaly Tótenshe jaǵdaılar mınıstrliginiń baspasóz qyzmetine siltep.
«22 naýryzda saǵat 20.33-te Ekibastuz qalasy, 2-GRES aýdanyndaǵy «Shandyqsor» jasandy sý qoımasyna 1978 jáne 1976 jyly týǵan er adamdar jeke kólikterin aıdap ketkeni týraly habarlama tústi. Er adamdar balyq aýlaýǵa Pavlodardan barǵany belgili boldy. Kólik jaǵadan 700-800 m jerge batyp ketken. 23 naýryzda saǵat 7.20-da Ekibastuz qalasynyń qutqarýshylary izdestirý-qutqarý jumystaryn bastady. Jeti adam, eki tehnıka jáne bir sý kóligi jumyldyryldy. Qaza bolǵan balyqshylardyń máıitterin qutqarýshylar sý qoımasynan shyǵardy», - delingen senbi kúni taratqan habarlamada.
Tótenshe jaǵdaılar mınıstrligi muzdyń qazir óte juqa ekenin, onyń ústine shyǵý adam ómirine qaýip tóndiretinin eskertti.
