Interpol Krokýs Sıtı Holldaǵy beıbit turǵyndarǵa jasalǵan shabýyldy tergeýde Reseı bıligine qoldaý kórsetýge daıyn. Bul týraly uıymnyń bas hatshysy Iýrgen Shtok málimdedi, dep habarlaıdy “Adyrna” ulttyq portaly.
Ol X áleýmettik jelisinde Krokýs Sıtı Hollǵa jasalǵan shabýyldy qatań aıyptaıtynyn, ony jazyqsyz beıbit turǵyndarǵa qarsy jasalǵan jantúrshigerlik áreket dep ataıtynyn jazdy.
«Bizdiń oıymyz qurbandarmen, olardyń otbasylarymen jáne dostarymen. Interpol Reseı bıliginiń tergeýine qoldaý kórsetýge daıyn», — dedi uıym basshysy.
Eske salsaq, 22 naýryz kúni keshke Máskeý túbindegi Krasnogorsk qalasyndaǵy Crocus City Hall konert zalyna avtomatpen qarýlanǵan belgisiz bireýler basyp kirip, oq jaýdyrǵan bolatyn.
Shabýyldan 130-dan astam adam qaza tapty, dep habarlady Reseıdiń Tergeý komıteti. Zardap shekkender sany artýy múmkin, dep eskertti departament. RF Qylmystyq kodeksiniń 205-baby (terrorlyq akt) boıynsha qylmystyq is qozǵaldy.
Reseıdiń Tótenshe jaǵdaılar mınıstrligi qurban bolǵan 99 adamnyń tizimin jarııalady. Máskeý oblysynyń densaýlyq saqtaý mınıstrligi jarııalaǵan tizimde 145 zardap shekken, onyń ishinde segiz bala bar.
Aldyn ala málimet boıynsha, kem degende bes shabýylshy bolǵan, olardy Reseı gvardııasy izdep jatyr.
“Krokýs Sıtı Holldaǵy órt is júzinde sóndirildi, qurylystardyń tógilýi men úıindilerdi shyǵarý jalǵasýda”, dep habarlady Máskeý oblysynyń gýbernatory Andreı Vorobev.
Órt aýmaǵy 12,9 myń m. sharshy metrdi qurady. Konert zalynyń shatyry opyrylyp tústi.
